قازاقستاندا جەڭىلدەتىلگەن يپوتەكانى بەرۋ باستالدى

استانا. قازاقپارات - ەلىمىزدىڭ 13 وڭىرىندە جاڭا باسپانالى بولۋعا جەڭىلدەتىلگەن يپوتەكانى ۇسىنۋ باستالدى.
None
None

بۇل تۋرالى پارلامەنت ماجىلىسىندە ينۆەستيتسيالار جانە دامۋ ۆيتسە-ءمينيسترى رومان سكليار ءمالىم ەتتى، دەپ حابارلايدى قازاقپارات.

«قۇرىلىس سالۋشىلارمەن باسپانا تۇرعىزۋدى ىنتالاندىرۋ بويىنشا جۇمىس ءجۇرىپ جاتىر، وسى ورايدا ولاردىڭ نەسيەلەرىن سۋبسيديالاۋ ەسكەرىلگەن. بۇگىندە ەكىنشى دەڭگەيلى بانكتەردىڭ قاراۋىنا قۇرىلىس كومپانيالارىنان 57,5 ميلليارد تەڭگەنىڭ 33 جوباسى كەلىپ ءتۇستى. جالپى، 31 ميلليارد تەڭگە سوماسىنداعى 14 جوبا ماقۇلداندى»، - دەپ توقتالدى ر. سكليار پارلامەنت ماجىلىسىندەگى «نۇر وتان» پارتياسى فراكسياسىنىڭ جانىنداعى ينفراقۇرىلىمدى دامىتۋدىڭ 2015-2019-جىلدارعا ارنالعان «نۇرلى جول» باعدارلاماسىن ىسكە اسىرۋعا ۇلتتىق قورىنان بولىنەتىن قاراجاتتىڭ جانە بيۋدجەت قارجىسىن ماقساتتى ءارى ءتيىمدى جۇمسالۋىنا باقىلاۋ جۇرگىزۋ بويىنشا كوميسسيانىڭ وتىرىسىندا.

ونىڭ سوزىنە قاراعاندا، وسى ارقىلى قۇرىلىس سالۋشىلار جىلدىق 10 پايىز مولشەرىندە نەسيە الادى، ال مەملەكەت نەسيە بويىنشا 7 پايىز كولەمىندە سىياقى مولشەرلەمەسىنىڭ بولىگىن وتەۋگە جاۋاپكەرشىلىكتى وزىنە الادى.

«رەسپۋبليكانىڭ 13 وڭىرىندە جاڭا باسپانانى الۋعا حالىققا جەڭىلدىكتى يپوتەكانى ۇسىنۋ بويىنشا ەكىنشى دەڭگەيلى بانكتەرمەن ءتيىستى جۇمىستار باستالدى. بۇگىندە بانكتەر جالپى سوماسى 4,3 ميلليارد تەڭگەنىڭ وتىنىمدەرىن قابىلدادى، ونىڭ ىشىندە 4 ميلليارد تەڭگەگە تارتا سوماداعى وتىنىمدەر ماقۇلداندى. بۇل باعىتتا دا تۇپكىلىكتى قارىز الۋشىعا دەيىن ونىڭ قۇنى جىلدىق 10 پايىزدى قۇراۋى ءۇشىن، مەملەكەت وزىنە 7 پايىزعا دەيىن يپوتەكانىڭ سىياقى مولشەرلەمەسىنىڭ بولىگىن وتەۋ تۇرعىسىندا مىندەتتەمەنى الادى»، - دەپ ءتۇسىندىردى سكليار.

اۆتور: رۋسلان عابباسوۆ

 

سوڭعى جاڭالىقتار