قازاقستاندا قۇجاتتاردى تەلەفونمەن عانا الۋ قىزمەتى ەنگىزىلۋى مۇمكىن

استانا. قازاقپارات - ق ر اقپارات جانە كوممۋنيكاتسيالار مينيسترلىگى مەملەكەتتىك قىزمەتتەردى دامىتۋ دەپارتامەنتىنىڭ ديرەكتورى ءانۋار حاتيەۆتىڭ ايتۋىنشا، الداعى ۋاقىتتا تەلەفون ارقىلى قۇجاتقا تاپسىرىس بەرۋ قىزمەتى سىناقتان وتكىزىلەدى، دەپ حابارلايدى قازاقپارات ءتىلشىسى.
None
None

«اعىمداعى جىلدا ءبىز 1414 ءبىرىڭعاي بايلانىس ورتالىعى ارقىلى قاجەتتى قىزمەتتى الۋ جۇيەسىن تاجىريبە جۇزىندە ىسكە اسىرىپ كورمەكپىز. وندايدا كەز كەلگەن ادام قوڭىراۋ شالادى دا، قۇجاتقا تاپسىرىس بەرەدى. وپەراتور الدىمەن حابارلاسقان ادامنىڭ تەلەفون ءنومىرىن ارنايى بازا ارقىلى تەكسەرەدى. قازىرگى كەزدە اتالعان بازا جاساقتالىپ جاتىر. وسىلايشا، وپەراتور قۇجاتقا تاپسىرىس بەرەدى دە، دايىن قۇجاتتى تاپسىرىس بەرگەن ادامنىڭ ەلەكتروندىق پوچتاسىنا جىبەرىلەدى»، - دەيدى حاتيەۆ.

ايتا كەتەيىك، بۇعان دەيىن «ازاماتتارعا ارنالعان ۇكىمەت» مەملەكەتتىك كورپوراتسياسى ەلەكتروندىق سيفرلىق قولتاڭباسىز قۇجات الۋ قىزمەتىن ەنگىزگەن بولاتىن. وعان سايكەس، SMS-حابارلامامەن پارول جىبەرىلەدى. سول ارقىلى قاجەتتى قۇجاتتى ەلەكتروندىق پوشتا، ءيا بولماسا، «ەلەكتروندىق ۇكىمەت» پورتالى ارقىلى الۋعا مۇمكىندىك بار.

اۆتور: ارمان اسقاروۆ

سوڭعى جاڭالىقتار