گولوۆكين- الۆارەس جەكپە- جەگى: ءۇشىنشى تورەشىنىڭ وتىرىگى شىعىپ قالدى

«شىنى كەرەك، ءبارىمىز الۆارەستىڭ پايداسىنا 118-112 ەسەبىمەن ءوز شەشىمىن شىعارعان ادەلايدا بەردكە تاپ بەردىك. ارينە، ونىمىز دۇرىس- اق. دەگەنمەن، ەكى بوكسشىعا 114-114-پەن تەڭ ۇپاي بەرگەن تاعى ءبىر تورەشى - دون ترەللانى ابدەن ۇمىتقان سياقتىمىز. ءبىر قىزىعى، دون ترەللا جەتىنشى راۋندتى الۆارەستىڭ ەنشىسىنە بەرىپ قويعان. الايدا ادەلايدا بەردتتىڭ ءوزى ول راۋندتا گولوۆكين جەڭدى دەپ سانايدى! سەبەبى «كانەلوعا» انىق بەرۋگە كەلمەيتىن نارسەنى بۇرمالاۋعا بولمايتىنىن ءبىلدى. ءسويتىپ، جەتىنشى راۋند سول «بەرۋگە كەلمەيتىن» راۋند ەدى. دەگەنمەن، ترەللا ءبارىبىر بەرىپ قويدى. ول ەسەپتىڭ جاۋابىن كەلتىرۋگە تىرىسقان ءتارىزدى» ، - دەپ جازدى بەلەنكي.
ساراپشىنىڭ ويىنشا، ءۇش تورەشىنىڭ بىردەي سوڭعى ءۇش راۋندتى الۆارەسكە بەرىپ قويعانى دا كۇدىك تۋعىزادى. سەبەبى جەكپە- جەكتىڭ اياعىندا ءساۋلدىڭ ايقىن باسىمدىعى بايقالعان جوق. بۇنى سوققىلاردىڭ كومپيۋتەرلىك ستاتيستيكاسى دا راستاپ وتىر.
«سوڭعى ءۇش راۋندتا «كانەلو» گولوۆكيننەن ارتىق سوققى جاسامادى. سوندىقتان ول راۋندتاردىڭ بىرەۋىن GGG گە بەرۋگە ابدەن بولادى. جارايدى، ترەللا جەتىنشى راۋندتى بۇرمالاپ تاستاعاننىڭ وزىندە ەسەپ باسقاشا شىعاتىن ەدى. ەكىنشى تورەشىنىڭ ءوز شەشىمىن 115-113 ەسەبىمەن گولوۆكينگە بەرگەنىن ەسكەرسەك، ول جەكپە- جەكتە قازاقستاندىق بوكسشى جەڭىمپاز اتانۋى قاجەت» ، - دەپ اتاپ كورسەتتى بەلەنكي.
ايتا كەتەيىك، وتكەن دەمالىس كۇندەرى ا ق ش- تىڭ لاس- ۆەگاس قالاسىندا وتكەن بوكس كەشىندە گەننادي گولوۆكين مەكسيكالىق ساۋل «كانەلو» الۆارەسپەن تەڭ ءتۇستى.
ءدال وسى شەشىممەن جانكۇيەلەر دە، ساراپشىلار دا كەلىسپەي وتىر. اسىرەسە، الۆارەسكە 118-110 ەسەبىمەن جەڭىس بەرىپ قويعان ادەلايدا بەردتىڭ ەسەبىنە نارازىلىق تانىتتى.
الەكساندر بەلەنكيدىڭ ويىنشا، الۆارەستىڭ كومانداسى حالىقتىڭ كوڭىلىن باسقا جاققا بۇرىپ جىبەردى.