15:35, 26 - قىركۇيەك 2017 | GMT +5
گولوۆكين مەن الۆارەستىڭ رەۆانشى ءوتۋى مۇمكىن ستاديون انىقتالدى
استانا. قازاقپارات - К2 Promotions كومپانياسىنىڭ باسقارۋشى ديرەكتورى توم لەففلەر امەريكا ۇلتتىق فۋتبول ليگاسىنىڭ «داللاس كوۆبويز» كلۋبىنىڭ ارەناسى ATT Stadium گەننادي گولوۆكين مەن ساۋل الۆارەستىڭ مامىردا وتەتىن رەۆانشىن ءساتتى قابىلدايدى دەپ ەسەپەتەيدى، دەپ حابارلايدى Sports.kz.

Daily Mail لەففلەردىڭ «داللاس تارتىمدى ۆاريانت بولۋى مۇمكىن. «ۋەمبليدە» جۇدىرىقتاسقان ەنتوني دجوشۋا مەن ۆلاديميرا كليچكونىڭ 90 مىڭ ادام جيناعانىن كوردىك. «كوۆبويلار» ستاديونىندا 100 مىڭ ادامنىڭ كوز الدىندا بولاتىن ايقاس ايتۋلى وقيعا بولار ەدى»، - دەگەن ءسوزىن جاريالادى.
ايتا كەتەيىك، گولوۆكين مەن الۆارەستىڭ ءبىرىنشى جەكپە-جەگى 16- قىركۇيەكتە لاس-ۆەگاستاعى T- Mobile ارەناسىندا ءوتىپ، تەڭ ناتيجەمەن اياقتالعان بولاتىن.