اتىراۋدا كولىكتەرگە جىلقىدان بولەك تۇيە مەن قويلار دا شابۋىل جاساۋدا - فوتو

استانا. قازاقپارات - قىركۇيەك ايىنىڭ 20-21 ارالىعىندا اتىراۋ قالاسى اۋماعىندا يەسىز جۇرگەن ءتورت تۇلىكتىڭ سالدارىنان ءۇش بىردەي جول كولىك وقيعاسى ورىن العان.
None
None

بۇل تۋرالى رەداكسيامىزعا اتىراۋ وبلىستىق ىشكى ىستەر دەپارتامەنتىنىڭ باسپا ءسوز قىزمەتى حابارلادى.

تۇيە، سيىر، جىلقى تۇلىكتەرىنىڭ قاتىسۋىمەن بولعان وقيعالاردا Toyota Prado, Mercedes, Volkswagen Polo ت. ب. كولىكتەرگە زالال كەلتىرىلگەن. قازىرگى ۋاقىتتا وقيعاعا قاتىسى بار مال يەلەرى انىقتالىپ، جۇرگىزۋشىلەر تاراپىنان كەلتىرىلگەن شىعىن مولشەرى انىقتالۋدا.

- جولدا يەسىز جۇرەتىن تۇلىكتەر جاسىل جەلەكتى وتاپ، قورشاعان ورتاعا زاردابىن تيگىزىپ قانا قويماي، جول قوزعالىسىنا ۇلكەن قاۋىپ توندىرۋدە، - دەيدى دەپارتامەنتتىڭ باسپا ءسوز قىزمەتىندەگىلەر.

وسىعان وراي، اتىراۋ وبلىستىق ءى ءى د ءتورت تۇلىك يەلەرىن ەسكەرتەدى: يەسىز جۇرگەن ءتورت تۇلىك «ارناۋلى كولىك بازاسى» ك م ك جەتكىزىلىپ، زاڭعا سايكەس يەلەرىنە ايىپپۇلدار سالىنادى. ق ر ا ق ب ك 505-بابىندا كوزدەلگەن زاڭ بۇزۋشىلىقتان وزگە قالانىڭ ساۋلەتتىك كەلبەتىنە كەلتىرگەن زالالدارى ەسەپتەلىپ ايىپپۇلدار وتەۋى ءتيىس.

ايتا كەتەيىك، جىل باسىنان بەرى جەرگىلىكتى پوليتسيا قىزمەتىنىڭ كۇشىمەن 8 مال يەسى جاۋاپقا شاقىرىلىپ، قوماقتى ايىپپۇلدار وتەگەن. وسى ۋاقىتقا دەيىن ءتورت تۇلىگىن يەسىز قالدىرعان ازاماتتار 45380 تەڭگە كولەمىندە ايىپپۇل وتەپ كەلسە، مالدى قاراۋسىز قالدىرۋ قايتالاناتىن جاعدايدا ايىپپۇل 68000 تەڭگەدەن اسادى.

фото1

фото2
 

سوڭعى جاڭالىقتار