قازاقستاندا قالايى وندىرۋگە سالىق مولشەرى ازايتىلماق

استانا. قازاقپارات - قازاقستاندا قالايى وندىرۋگە سالىق كولەمىن ازايتۋ جوسپارلانىپ وتىر. بۇل تۋرالى پارلامەنت ماجىلىسىندە سالىق كودەكسىنىڭ جوباسىن تانىستىرۋ كەزىندە ق ر ۇلتتىق ەكونوميكا ءبىرىنشى ۆيتسە- ءمينيسترى رۋسلان دالەنوۆ ءمالىم ەتتى، دەپ حابارلايدى قازاقپارات.
None
None

«جەر قويناۋىن پايدالانۋ سالاسىندا گەولوگيالىق بارلاۋعا ينۆەستيتسيالار ىنتالاندىرىلاتىن بولادى. الەمدىك پراكتيكانى ەسكەرىپ، كومىر بويىنشا ەكسپورتتىڭ جۇكتەمەسىن رەنتا سالىعىنا اۋىستىرا وتىرىپ، تاۋ- كەن سالاسى ءۇشىن ۇستەمە پايدا سالىعىن الىپ تاستاۋ ۇسىنىلادى. الەمدىك تاجىريبەدە تاۋ- كەن سالاسى ءۇشىن مۇنداي سالىق جوق. شىن مانىسىندە، اتالعان سالىقتى تەك كومىر ءوندىرۋشى كومپانيالار تولەپ كەلگەن»، - دەپ ءتۇسىندىردى دالەنوۆ.

ونىڭ سوزىنە قاراعاندا، تابىستى بارلاۋ جۇرگىزۋدى ىنتالاندىرۋ ماقساتىندا كوممەرتسيالىق انىقتاۋ بونۋسىن الىپ تاستاۋ جوسپارلانۋدا. تەڭىز جانە تەرەڭ مۇناي كەن ورىندارى ءۇشىن جەر قويناۋىن پايدالانۋدا وتە قاراپايىم بالامالى سالىق ۇسىنىلادى. قاتتى پايدالى قازبالاردى بارلاۋدى جەدەلدەتۋ ءۇشىن جالداۋ تولەمدەرىنىڭ تەتىگى ەنگىزىلەدى. ينۆەستورلاردى ىنتالاندىرۋ ءۇشىن ديۆيدەندتەردى جانە 35 پايىزدان ارتىق وندىرىلگەن شيكىزاتتى وڭدەگەن جاعدايدا، جەر قويناۋىن پايدالانۋشى اكسيالارىنىڭ ءوسىمىن كورپوراتيۆتىك تابىس سالىعىنان بوساتۋ ۇسىنىلىپ وتىر. بەلگىلى بولعانداي، مۇناي مەن گازدى وزىندىك قۇنىنان تومەن وتكىزۋ كەزىندەگى كىرىستەردى انىقتاۋ بويىنشا تاسىلدەر قايتا قارالادى.

 «سونداي- اق قالايى بويىنشا پايدالى قازبالاردى وندىرۋگە ارنالعان سالىعىنىڭ مولشەرلەمەسىن 6 پايىزدان  3 پايىزعا تومەندەتۋ ۇسىنىلادى. بۇل مەتاللۋرگيانىڭ جاڭا سالاسى - قالايى ونەركاسىبىن قولداۋ ءۇشىن جاسالىپ وتىر»، - دەيدى ول.

 اۆتور: رۋسلان عابباسوۆ

سوڭعى جاڭالىقتار