07:30, 26 - قىركۇيەك 2017 | GMT +5
لوندوندا پوليتسيا ك ح د ر ەلشىلىگىن قورشاۋعا الدى
استانا. قازاقپارات - لوندون پوليتسياسى عيماراتتىڭ ماڭىنداعى كۇدىك كەلتىرگەن زاتقا بايلانىستى ك ح د ر ەلشىلىگىن قورشاۋعا الدى، دەپ حابارلايدى Daily Express.

پوليتسياعا عيماراتتىڭ جانىندا جارىلىس قۇرىلعىعا ۇقسايتىن كۇدىكتى زاتتىڭ جاتقاندىعى تۋرالى جەرگىلىكتى ۋاقىت بويىنشا 19:52-دە قوڭىراۋ شالىنعان. وقيعا ورنىنا ساپيەرلەر مەن جەڭىل جاردەم كولىگى كەلدى. ەلشىلىك عيماراتى مەن وعان تاياۋ جاتقان جولدار شۇعىل قورشاۋعا الىندى. قالالىق پوليتسيا وقيعا ورنىندا ساقتىق ءۇشىن كۇدىكتى زاتتىڭ جارىپ جىبەرىلگەندىگىن راستادى.