بيىل عاسىرداعى ەڭ قاتتى قىس بولادى دەگەن راس پا؟

«بۇقارالىق اقپارات كوزدەرىندە وسىنداي حابار لەزدە تارالىپ وتىر. ءبىراق بۇل ەشتەڭەگە نەگىزدەلمەگەن اقپارات. ازىرگە بىزدە ۇزاق مەرزىمگە ارنالعان بولجام جاسالىپ بىتكەن جوق. ونىڭ ناتيجەسىن 15 - قازاندا جاريا ەتەتىن بولامىز. انىق- قانىعى سول كەزدە بەلگىلى بولادى» ، - دەيدى ول.
ەستەرىڭىزگە سالا كەتسەك، عالامتوردا جاريا بولعان «بيىل ەۋروپا، رەسەي جانە ەلىمىزدە قىس ايلارىندا ءجۇز جىلدا بولماعان اياز بولادى- مىس» دەگەن بولجام ەلدى دۇرلىكتىرىپ وتىر. ءتىپتى، ەلدى سەندىرۋ ءۇشىن قاتۋلى قىسقا دايىلدالعان اكىمدىكتىڭ ءمورى باسىلىپ، قولدار قويىلعان «قۇجاتتاردىڭ» فوتو- سۋرەتتەرى دە تارالا باستادى.
ۇلىبريتانيا عالىمدارى دا وتقا ماي قۇيۋدان ءبىر تىنار ەمەس. «كۇننىڭ بەلسەندىلىگى تومەندەۋى سالدارىنان، الداعى وتىز جىلدا مۇز ءداۋىرى ورناۋى مۇمكىن» دەگەن بولجامدار ايتىپ جاتىر.
دجەيمس مەددەننىڭ بولجامدارىنا سۇيەنە وتىرىپ، وسى ىسپەتتەس پايىمداۋلار 2016 -جىلى دا تارالىپتى. جىل سايىن الدەبىرەۋلەر قىس قاتتى بولادى دەپ ەلدى ۇرەيلەندىرىپ كەلەدى. قازگيدرومەت وكىلىنىڭ ايتۋىنشا، مۇنداي اقپاراتتاردى ءجىتى تەكسەرىپ كورگەن ابزال. تاراتۋدا ساق بولعان ءجون. ويتكەنى، جالعان اقپارات تاراتقانى ءۇشىن قىلمىستىق جازا قاراستىرىلعان. دەسە دە، ءبىر انىعى، كۇننىڭ رايىنا قاراعاندا، بيىل قىس ادەتتەگىدەن ەرتەرەك تۇسەتىن سىڭايلى.
شاديار جاركيمبەكوۆ
BAQ. KZ