مامين قاراعاندىنىڭ ەسكى كولىكتەردى قايتا وڭدەۋ زاۋىتىندا بولدى
كەشەن 26- شىلدەدە «سارى ارقا» ارنايى ەكونوميكالىق ايماق اۋماعىندا ىسكە قوسىلعان بولاتىن. كاسىپورىننىڭ ورتالىق ازيا بويىنشا بالاماسى جوق.
جوبا 2015-2019- جىلدارعا ارنالعان يندۋستريالدى- يننوۆاتسيالىق دامۋ مەملەكەتتىك باعدارلاماسى شەڭبەرىندە جۇزەگە اسىرىلادى. ونىڭ جالپى قۇنى - 3,4 ميلليارد تەڭگە جىل سوڭىنا دەيىن بالقىتۋ جانە پيروليزدىك سەحتەردىڭ قۇرىلىسىن كوزدەيدتىن جوبانىڭ ەكىنشى كەزەڭىن اياقتاۋ جوسپارلانعان.
«قازىرگى تاڭدا زاۋىت قۇرىلىسىنىڭ ءبىرىنشى كەزەڭى ىسكە قوسىلدى. پايدالانۋدان شىققان كولىك قۇرالدارىن جيناۋ بويىنشا بەلسەندى جۇمىستار جاسالۋدا. اۆتوقوقىستى ءبىزدىڭ زاۋىتقا رەسپۋبليكامىزدىڭ تۇپكىر- تۇپكىرىنەن الىپ كەلەدى. وسىعان دەيىن 30 مىڭنان استام ماشينا قابىلداپ ۇلگەردىك. ءالى دە قابىلداۋ جالعاسۋدا»، - دەدى «RecyclingCompany» ج ش س باسقارۋشى ديرەكتورى ءازىمجان وسپان.
«اۆتوموبيلدەردى سىعىمداپ، فراكسيالارعا ءبولۋ جۇمىستارى جۇرگىزىلىپ جاتىر. قۇرىلىستىڭ ەكىنشى كەزەڭىندە بالقىتۋ سەحى مەن پيروليزدىك ءوندىرىس قاراستىرىلعان. بۇگىندە قۇرىلعىلاردى ورناتۋ جۇزەگە اسىرىلۋدا، جۇمىستاردى تولىقتاي جىل سوڭىنا دەيىن ءبىتىرۋدى جوسپارلاپ وتىرمىز.
پايدالانۋدان شىققان كولىكتەردىڭ قالدىقتارىنان بولات، اليۋميني، ءتۇرلى- ءتۇستى مەتالداردىڭ قوسپالارى، سونداي- اق رەزەڭكە ۇنتاعى مەن كومىرسۋتەك وندىرىلەدى. سونىمەن قاتار زاۋىت كاسىپورىندى جىلۋمەن قامتۋ ءۇشىن ءوز قاجەتتىلىكتەرىنە جاراتاتىن جانە ساتىلىمعا قوياتىن پەشكە قاجەتتى جانارماي شىعارا باستايدى.
كاسىپورىن باسشىلىعىنىڭ مالىمدەۋىنشە زاۋىت جىلىنا 40 مىڭنان استام ەسكى ماشينالاردى قايتا وڭدەۋگە قاۋقارلى. ءونىم ەل ىشىندە ساتىلاتىن بولادى.
«ساتۋ نارىعى بار. قازىر زاۋىت تەستىلىك رەجيمدە جۇمىس ىستەپ جاتىر. ءونىمدى ساتۋ بويىنشا ءبىز الەۋەتتى تۇتىنۋشىلارمەن كەلىسسوزدەر جۇرگىزىپ جاتىرمىز»، - دەدى ءازىمجان وسپان.
اسقار مامين جوبانىڭ ماڭىزدىلىعىن اتاپ ءوتتى جانە دە ۇكىمەت تاراپىنان جان- جاقتى قولداۋ كورسەتىلەتىنىن جەتكىزدى.
سونىمەن قاتار ءبىرىنشى ۆيتسە- پرەمەر «سارى ارقا» ا ە ا- تى جاڭا ءوندىرىس وشاقتارىمەن تولتىرۋ تۋرالى باياندامانى تىڭدادى. قازىر مۇندا التى كاسىپورىن جۇمىس ىستەپ جاتىر. تاعى التى جوبا الداعى ۋاقىتقا جوسپارلانىپ وتىر. تاعى ونعا تارتا ورىن بوس.
سونىمەن قاتار ايماقتاعى جۇزەگە اسىرىلىپ جاتقان نەگىزگى جوبالار تانىستىرىلدى. ولاردىڭ قاتارىندا بايىتۋ كومبيناتى، دورە التىن كەسەكتەرىن وندىرەتىن زاۋىت، قۋاتتىلىعى 100 م ۆ ت كۇن ەلەكتر ستانسياسىنىڭ قۇرىلىسى، كونديتەرلىك فابريكانى جاڭعىرتۋ، باريتتىك رۋدانى قايتا وڭدەۋ كەشەنى جانە ت. ب.
بارلىعى وبلىسىمىزدا شامامەن 100 تاۋاشالى جوبالار ازىرلەنگەن، جانە ونىڭ تورتتەن ءبىر بولىگىن «سارى ارقا» ا ە ا اۋماعىندا جۇزەگە اسىرۋ جوسپارلانىپ وتىر.
«جالپى سوڭعى 8 اي قورىتىندىسى بويىنشا ءبىز وبلىستا ءوندىرىس ءوسىمى % 4,7- عا ۇلعايعانىن كورىپ وتىرمىز. بۇل ورتاشا رەسپۋبليكالىق دەڭگەيدەن تومەن، الايدا ول دا جامان كورسەتكىش ەمەس»، - دەدى اسقار مامين.
