ايگىلى «مۋزارت» توبىنىڭ العاشقى كوستيۋمى الماتى مۇراجايىنا تابىستالماق

  استانا. قازاقپارات - قازاق ساحناسىندا 15 جىلدان استام باعالى عۇمىرى بار «مۋزارت» توبى بۇگىندە اتى اڭىزعا اينالعان انسامبىلدەردىڭ تىزىمىندە.
None
None

 2001- جىلدىڭ ساۋىرىندە قۇرىلعان ونەر ۇجىمنىڭ العاشقى كوستيۋمى، الماتى مۇراجايىنداعى جادىگەرلەردىڭ قاتارىن تولىقتىرماق.

بۇل تۋرالى نتك ارناسىنىڭ «ريەۆيۋ» باعدارلاماسىندا ايتىلدى.

توپتىڭ تىعىز كەستەسىنەن ۋاقىت ۇتىپ، زيالى جۇرتپەن ءجيى جۇزدەسەتىن ساكەن مايعازيەۆ بۇل جولى الماتى مۇراجايىنا ات باسىن بۇردى. وڭتۇستىك استانانىڭ قۇندى تاريحىنان سىر شەرتەتىن مەكەمەدەن، «مۋزارتتىق» ءانشىنى قىزىقتى ءارى مول ماعلۇماتتارعا قانىققان.

«مىسالعا ەڭ العاشقى ءالپينستى بىلمەدىم، ءبىزدىڭ بيىك شىڭدى باعىندىرعان. جاسىرمايمىن ەلباسىمىزدىڭ، بۇرىنعى «كومسومول شىڭى» بولعان شىڭنىڭ 1998- جىلى قاتەلەسپەسەم، ەلباسىمىز باعىندىرعان «پرەزيدەنت شىڭى» بار ەكەنىن مەن بىلمەپپىن» ، - دەيدى ساكەن مايعازيەۆ.

العاشقىدا كەلگەن قوناقتارعا مۇراجايدى تولىققاندى تانىستىرۋ ساكەنگە جۇكتەلگەن ەدى. الايدا، بۇل جاۋاپكەرشىلىك جۇگىنەن جۇرەكسىنگەن مايعازيەۆ مۋزىكالىق بولىمگە ەكسكۋرسيا وتكىزۋدى تاڭداعان.

«دوس- مۇقاسان» ءانسامبىلىنىڭ العاشقى گيتاراسى جانە قازاق ءۆالسىنىڭ كورولى - ءشامشى قالداياقوۆ اتامىزدىڭ ءماندولينىنىڭ وسىندا تۇرعانىنىنان قۇلاعدار ەدىم. قۇدايعا شۇكىر، جولىمنان جاڭىلعان جوقپىن، جاستارعا سونى تانىستىرۋعا تىرىستىم» ، - دەيدى مايعازيەۆ.

ەكسكۋرسيا بارىسىندا ەلدى ەلەڭ ەتكىزگەن تاعى ءبىر تىڭ اقپارات! كەلەشەكتە، الماتى مۇراجايى مەيماندارى «مۋزارت» توبىنىڭ تاريحىنان سىر شەرتەر جەكە جادىگەرلەرمەن دە تانىسۋ مۇمكىندىگىن الماق.

«تۋىپ تۇرعان بىردەن- ءبىر مۇمكىندىك. وسى مۇراجايدا «مۋزارت» توبىنىڭ العاشقى ءۇنتاسپاسى بولادى ما، جوق كيىمدەرى، العاشقى كاستيۋمىمىز بولادى ما باراحولكادان الىپ كيگەن، سول ءبىر ادەمى ەستەلىك بولاتىن شىعار دەپ ءوز باسىم ويلايمىن» ، - دەيدى ساكەن مايعازيەۆ.

سوڭعى جاڭالىقتار