14:33, 25 - قىركۇيەك 2017 | GMT +5
قىتايلىق روبوت جالعىز ءوزى ءتىس ەمدەۋ وتاسىن جۇرگىزدى
استانا. قازاقپارات - بۇگىندە قىتايلىق روبوت 4,8 سەكۋند ىشىندە ناۋقاسقا دياگنوز قويىپ، ادامداردى ەمدەپ جاتىر.

جۋىردا ونىڭ تاعى ءبىر سەرىگى پايدا بولدى. ول ءتىس ەمدەۋ وتاسىن جالعىز ءوزى جۇرگىزە الادى.
بۇل تۋرالى takiedela.ru باسىلىمى حابارلايدى.
روبوت ادامعا وتا جاسايتىندىقتان، قىتايلىق ماماندار ونىڭ باعدارلاماسىن 5 جىل بويى جاساعان. ەندى ولاردىڭ ەڭبەگى ءوز جەمىسىن بەرىپ وتىر. جاساندى سانا ادامعا 0,2 م م كولەمىندەگى يمپلانتتى قويدى.
بۇل روبوتتىڭ العاشقى جۇمىسى بولعاندىقتان، ونى بىرنەشە حيرۋرگ مامان باقىلاپ تۇرعان. نەبارى ءبىر ساعاتتىڭ ىشىندە شيان قالاسىنىڭ تۇرعىنى ءوزىنىڭ جاڭا تىسىمەن ماقتانۋ مۇمكىندىگىنە يە بولدى.