قازاقستانعا اتوم ەلەكترستانتسياسى كەرەك پە؟

استانا. قازاقپارات - ق ر ەنەرگەتيكا مينيسترلىگى قۋات كوزدەرىن تۇتىنۋ كولەمىنىڭ ارتۋىنا بايلانىستى وسى ماسەلەنى جان-جاقتى زەردەلەپ شىقتى.
None
None

الداعى ۋاقىتتا اتوم ەلەكترستانتسياسىنا ۇلكەن قاجەتتىلىك بولمايدى. دەگەنمەن، ەكولوگيالىق قاۋىپسىز ەنەرگەتيكانى قۇرۋ جاعىنان اتالعان جوبانى ىسكە اسىرعان ءجون، دەپ حابارلايدى قازاقپارات ءتىلشىسى.

ەلەكترەنەرگەتيكا جانە كومىر ونەركاسىبى دەپارتامەنتى ديرەكتورىنىڭ ورىنباسارى تالعات ءابىلعازىنىڭ ايتۋىنشا، بۇگىندە قازاقستاننىڭ 2030-جىلعا دەيىنگى ەنەرگيانى تۇتىنۋ كولەمى ەسەپتەلدى.

وندا ەل ەكونوميكاسىنىڭ بارلىق سالالارىنىڭ دامۋى، ياعني جاڭا كاسىپورىنداردىڭ ىسكە قوسىلۋى اياسىندا قۋات كوزدەرىن ءوندىرۋ مولشەرىنە بولجام جاسالدى.

«وسى بولجامعا سايكەس، قازىرگى ەلەكتر ستانسالارىنىڭ قۋاتى تولىعىمەن جەتەدى. جاڭا نىسانداردى سالۋدىڭ قاجەتى جوق. سوندىقتان ەنەرگيانى تۇتىنۋ جاعىنان اتوم ەلەكترستانساسىنا ۇلكەن قاجەتتىلىك جوق. ال بالامالى ەنەرگەتيكانى دامىتۋ جاعىنان ونداي قۇرىلىستار قاجەت. سەبەبى 2050-جىلعا دەيىن ءبىز بالامالى ەنەرگيا كوزدەرىنىڭ ۇلەسىن ايتارلىقتاي ۇلعايتۋدى جوسپارلاپ وتىرمىز. وسى ورايدا اتوم كومىردى الماستىرا الادى»، - دەدى ءابىلعازى بۇگىن استاناداعى ەنەرگەتيكانى رەتتەۋ ورگاندارى ايماقتىق قاۋىمداستىعىنىڭ (ە ر ر ا) كەزەكتى كونفەرەنتسياسىندا.

ونىڭ سوزىنە قاراعاندا، ازىرشە اتوم ەلەكترسانساسىن سالۋ بويىنشا ناقتى جوسپار جوق. اتالعان ماسەلە جان-جاقتى زەردەلەنىپ جاتىر. سەبەبى اتوم ەلەكترستانساسى سياقتى نىسانداردىڭ قالدىقتارى بولادى.

ايتا كەتەيىك، كونفەرەنتسيا كەزىندە جۋرناليستەرگە سۇحبات بەرگەن تالعات ءابىلعازى كومىردىڭ باعاسىنا قاتىستى تۇسىنىك بەردى.

 اۆتور: ارمان اسقاروۆ

  

سوڭعى جاڭالىقتار