قازاقستاندا كومىردىڭ باعاسى نەگە قىمبات؟

استانا. قازاقپارات - ق ر ەنەرگەتيكا مينيسترلىگىنىڭ ەلەكترەنەرگەتيكا جانە كومىر ونەركاسىبى دەپارتامەنتى ديرەكتورى ورىنباسارى تالعات ءابىلعازىنىڭ ايتۋىنشا، رازرەزدىڭ ءوز باسىندا كومىردىڭ باعاسى 8 مىڭ تەڭگە تۇرادى، دەپ حابارلايدى قازاقپارات ءتىلشىسى.
None
None

«قازىرگى كەزدە رەسپۋبليكا بويىنشا 400 گە جۋىق كومىر ءوندىرۋ كەنى بار. اتالعان رازرەزدەردىڭ ءبارى باعانى وزدەرى بەلگىلەيدى. سەبەبى قازاقستاندا كومىردىڭ باعاسى مەملەكەت تاراپىنان رەتتەلمەيدى. زاڭدا قانداي دا ءبىر شەكتەۋ شارالارى قاراستىرىلماعان.

«بۇگىندە كومىردى ءوندىرۋ قۇنى 3-5 مىڭ تەڭگەنى (ءبىر تونناسى - اۆت.) قۇرايدى. ال رازرەزدىڭ وزىندە 8 مىڭعا دەيىن بارادى. ودان كەيىن وسى كومىردى تۇتىنۋشىعا جەكىزۋ تاعى بار. سوسىن الىپساتارلار بولادى. بۇنىڭ بارلىعى - نارىقتىق جاعداي. باعانى دا نارىق انىقتايدى، كومىردىڭ قۇنى سۇرانىسقا قاراي وزگەرەدى»، - دەدى ءابىلعازى.

ونىڭ سوزىنە قاراعاندا، قازىرگى كەزدە رەسپۋبليكا بويىنشا كومىر تاپشىلىعى جوق. ال قازاقستانداعى كومىردىڭ جالپى قورى ءالى 300 جىلعا جەتەدى.

اۆتور: ارمان اسقاروۆ

سوڭعى جاڭالىقتار