استانادا نەمەسە الماتىدا پاتەر ساتىپ الۋ ءۇشىن تابىس قانداي بولۋى قاجەت؟
سونىمەن، 150 مىڭ تەڭگە جالاقى الساڭىز (الماتى تۇرعىنىنىڭ ورتاشا تابىسى وسىنداي) قاتاڭ ۇنەمدەۋ كەزىندە دە وتباسىڭىزدى اسىراۋ جانە باسپاناعا قاراجات جيناۋ مۇمكىن ەمەس. 200 مىڭ تەڭگە تابىس ءتۇسىپ وتىرسا العاشقى جارناعا (3,9-4 ميلليون تەڭگە نەمەسە باسپانا قۇنىنىڭ 30 پايىزى) 10 جىل اقشا جينايسىز. ال يپوتەكاسىز ءۇي الۋعا اقشا جيناۋ مەرزىمى 20 جىل بولادى (بۇل جاعدايدا اقشانى جىلدىق ءتيىمدى مولشەرلەمەسى 10 پايىز بولاتىن دەپوزيتكە سالىپ وتىرۋىڭىز قاجەت).
وتباسىنىڭ جالپى تابىسى 300 مىڭنان 400 مىڭ تەڭگەگە دەيىن بولسا، ءبىر بولمەلى پاتەردىڭ العاشقى جارناسىن 5 نەمەسە 3 جىلدا جيناۋعا مۇمكىندىك بار. ءبىرىنشى جاعدايدا اي سايىن دەپوزيتكە 100 مىڭ تەڭگە سالىپ وتىرۋ قاجەت بولسا، ەكىنشىسىندە - 50 مىڭ تەڭگە. يپوتەكاسىز پاتەر الۋ ءۇشىن بىرىنشىسىندە 7-8 جىل قاجەت بولسا، ەكىنشىسىندە 12-13 جىل قاجەت. جالاقى 500 مىڭ تەڭگە بولسا بەس جىلعا جەتپەيتىن ۋاقىتتا ءبىر بولمەلى پاتەر ساتىپ الۋعا بولادى. مۇنداي تابىس اي سايىن 200 مىڭ تەڭگەنى دەپوزيتكە سالىپ وتىرۋعا مۇمكىندىك بەرەدى. الايدا بيزنەس-كلاستاعى ءۇي بولسا، يپوتەكاسىز الۋ مۇمكىن ەمەس. ال وتباسىدا ەكى ادام جارتى ميلليون تەڭگە تابىس تاپسا، اي سايىن 500 مىڭ تەڭگە جيناي وتىرىپ، 5 جىل ىشىندە 40 ميلليون تەڭگەگە قول جەتكىزۋگە بولادى.
«بۇل اقشاعا ورتا دەڭگەيلى كوتتەدج ساتىپ الۋعا بولادى»، - دەپ جازادى باسىلىم ءتىلشىسى. سونىمەن قاتار، «كرىشا» الماتىلىقتاردان پاتەرگە نەمەسە باسپانا الۋعا العاشقى جارنا جيناۋعا اي سايىنعى تابىس قانشا بولۋى كەرەكتىگى جايلى ساۋالناما الىپتى. مەگاپوليس تۇرعىندارى پايىزدىق مولشەرلەمە مەن باسپانا قۇنى جايلى ويىن ءبولىستى.
