ەرەسەكتەرگە ارنالعان فيلمدەر كورۋ بەلسىزدىككە اپارادى - زەرتتەۋ
بۇل تۋرالى lenta.ru سايتى Rolling Stone جۋرنالىنا سىلتەمە جاساپ جازدى.
العاش PIED تەرمينىن گارۆارد مەديتسينا مەكتەبىنىڭ پروفەسسورى ابراحام مورگەنتالەر ۇسىنعان. ءالى دە كوپتەگەن زەرتتەۋشى پورنوگرافيا مەن بەلسىزدىك اراسىندا بايلانىس بار ەكەنىنە كۇمان كەلتىرەدى. الايدا، كەيىنگى زەرتتەۋلەردىڭ كوپشىلىگى ەرەسەكتەرگە ارنالعان فيلمدەر جىنىستىق قۇشتارلىققا كەرى اسەر ەتەتىنىن دالەلدەپ وتىر. Rolling Stone جۋرنالى حابارلاعانداي، پورنوگرافياعا تاۋەلدىلىكپەن كۇرەسكە ارنالعان سايتتاردىڭ قىزمەتىن پايدالاناتىن مىڭداعان ادام وزدەرىنىڭ PIED- دەن زارداپ شەگەتىنىن ايتقان.
سەكسوپاتولوگ ۆانەسسا ماريننىڭ ايتۋىنشا، كەيىنگى ەكى-ءۇش جىلدا ەرەكتيلدى ارەكەتسىزدىك جاس جىگىتتەردە كوبەيگەنى بايقالىپ وتىر، بۇرىن ول نەگىزىنەن ەگدەلەۋ ادامدارعا ءتان اۋرۋ بولاتىن.
سان- ديەگوداعى اسكەري- تەڭىز ورتالىعىنىڭ ۋرولوگى مەتيۋ كريستماننىڭ زەرتتەۋلەرى بەلسىزدىكتىڭ پورنوگرافيادان بولاتىنىن كورسەتكەن. ماماندار 20 مەن 40 جاس ارالىعىنداعى 312 ەر ادامعا ساۋالناما جۇرگىزگەن. ولاردىڭ كوپشىلىگى پورنوگرافيانى نەعۇرلىم كوپ كورگەن سايىن ەرەكتيلدى ارەكەتسىزدىكتەن زارداپ شەككەندەرىن ايتقان.
ەرەسەكتەرگە ارنالعان فيلمدەر اۋرۋدىڭ باستى سەبەبى ەكەنىنە كۇمان كەلتىرەتىن عالىمداردىڭ ءوزى ونىڭ كوپتەگەن سەبەبىنىڭ ءبىرى ەكەنىن مويىنداپ وتىر دەپ جازادى باسىلىم.
قازاقستاندا پورنوگرافياعا رەسمي تىيىم سالىنباعان، ءبىراق پورنوگرافيالىق سايتتار بۇعاتتالىپ وتىرادى.
دەرەككوز: Baq.kz
