11:39, 25 - قىركۇيەك 2017 | GMT +5
شۆەيتساريادا تاۋ اۋاسى ساتىلا باستادى
استانا. قازاقپارات - شۆەيتساريادا اەروزولدى باللوندارداعى تازا تاۋ اۋاسىن ساتۋمەن اينالىساتىن كومپانيا پايدا بولدى.

كومپانيا ءوز ونىمدەرىن لاستانعان قالالارعا ۇسىنا وتىرىپ، الەم نارىعىنا شىعۋدى كوزدەپ وتىر، دەپ حابارلايدى rg.ru.
Swiss Alpin Air كومپانياسى ونىمدەرىنىڭ مويىندالىپ، تۇتىنۋشىلاردىڭ سۇرانىسىنا يە بولاتىندىعىنا سەنىمدى.
قازىرگى ۋاقىتتا تاۋ بۇلاقتارىنان الىنعان بوتەلكەلەردەگى تازا سۋ الەم بويىنشا تۇتىنۋشىلاردىڭ كولەمدى سۇرانىسىنا يە بولىپ ۇلگەرگەن.
«جىل سايىن شۆەيتساريالىق ءالپى تاۋلارىنا تازا تاۋ اۋاسىمەن تىنىستاۋ ءۇشىن الەمنىڭ ءار ەلىنەن تۋريستەر اعىلىپ كەلەدى. بۇل بىزدە بار ءالپى اۋاسىن ەكسپورتتاۋدىڭ جاي عانا مىسالى»، - دەيدى كومپانيا وكىلدەرى.
وسىلايشا، ءوندىرۋشى ساتىلىمعا تىنىستاۋعا ارنالعان ارنايى ماسكالى 7 ليترلىك بوتەلكەلەردى شىعارىپ، ءبىر داناسىن 21 دوللارعا ساتۋدى جوسپارلاپ وتىر. قازىرگى ۋاقىتتا جوباعا ينۆەستورلار ىزدەستىرىلۋدە.