كاسىپقوي بوكس: قازاق قىزى قارسىلاسىن ءبىرىنشى راۋندتا جارىس جولىنان تايدىردى

استانا. قازاقپارات - قازاق قىزى بالاۋسا مۇزديمان كاسىپقوي بوكستاعى العاشقى كەزدەسۋىن وتكىزىپ، قارسىلاسىن ءبىرىنشى راۋندتا تەحنيكالىق نوكاۋدپەن ۇتتى، دەپ حابارلايدى قازاقپارات ءتىلشىسى.

بالاۋسا مۇزديمان وسىدان ءبىراز ۋاقىت بۇرىن كاسىپقوي بوكسقا اۋىسقان بولاتىن. كوپ ۇزاماي ول ا ق ش- تىڭ مونرو قالاسىندا العاشقى جەكپە-جەگىن وتكىزىپ، قارسىلاسىن ءبىرىنشى راۋندتا اۋىر سوققىلارىنىڭ استىنا الىپ، جەكپە-جەكتى ۋاقىتىنان بۇرىن اياقتادى.

وتانداسىمىز جەرگىلىكتى بوكسشى كەمري ماكسيمەن قولعاپ تۇيىستىرگەن بولاتىن. بۇل ماكسيدىڭ دە شارشى الاڭعا ءبىرىنشى رەت شىعۋى. وكىنىشكە قاراي ول قازاق قىزىنىڭ سوققىسىنا شىداس بەرمەي، جەڭىلىستىڭ اشى ءدامىن تاتتى.

ايتا كەتەيىك، بالاۋسا مۇزديمان قازاقستاندىق قىزدار اراسىندا كاسىپقوي بوكسپەن اينالىسقان ەكىنشى ارۋىمىز. وسىعان دەيىن كاسىبي رينگكە فيرۋزا ءشارىپوۆا اۋىسىپ، كورەرمەن كوز ايىمىنا اينالىپ ۇلگەرگەن ەدى.

ول سوڭعى جەكپە-جەگىندە استانادا بولگار قىزى ميلەنا كوليەۆانى جەڭىپ جەڭىل سالماقتا WIBA جانە WBU تۇجىرىمدارى بويىنشا چەمپيوندىق اتاققا قول جەتكىزگەن بولاتىن.

اۆتور: كۇنسۇلتان وتارباي