الماتىدا سپورتشىلار مەن قارتتار مەدەۋ باسپالداقتارىندا جارىستى - فوتو

استانا. قازاقپارات - الماتىنىڭ مەدەۋ شاتقالىندا «سپورتتىق الماتى» باعدارلاماسىنىڭ اياسىندا XXIХ- «مەدەۋ باسپالداق-2017» جۇگىرۋ جارىسى ءوتتى، دەپ حابارلايدى قازاقپارات.
None
None

الماتى سپورت حابىنىڭ مالىمەتىنشە، 500 دەن اسا ادام 100، 200، 300، 400، 500 جانە 841 باسپالداقپەن جۇگىردى.

«رۋحاني جاڭعىرۋ» اياسىندا وتكەن جارىسقا 7 جاستان باستاپ بارلىق اۋەسقويلار، تانىمال جانە كاسىپقوي سپورتشىلار، سونىمەن قاتار، وتباسىلىق كوماندالار قاتىستى. ناتيجەسىندە، 841 باسپالداققا ەرلەر اراسىندا ەڭ جاقسى كورسەتكىشكە - 4 مينۋت 20 سەكۋندقا يە بولعان 19 جاسار ءانۋار ەرعازى بولسا، قىزدار اراسىندا ا. جانباتىر 841 ساتىنى 9 مينۋت 55 سەكۋندتا باعىندىردى.



تانىمال سپورتشىلاردىڭ قاتارىندا الەمدىك رەكوردتارىمەن گيننەس كىتابىنا ەڭگەن اكروباتشى ۆلاديمير گاشۋتا بولدى. 70 جاستان جوعارى جاس ارالىعىنداعى قاتىسۋشىلاردى وزىپ 100 ساتىنى ءبىرىنشى بولىپ باعىندىرعان ول ءوزىنىڭ قىرىقىنشى التىن مەدالىنە يە بولدى.

«مەن بۇل جارىسقا جىلدا قاتىسامىن. 25 جىل بۇرىن 200 ساتىنى 37 ى سەكۋندتا باعىندىرعان ەدىم، سودان بەرى ەشكىم بۇل كورسەتكىشتى جاڭارتپادى. قازىر ءوزىم ءۇشىن سپورتپەن اينالىسامىن. 100، 200، 300 ساتىعا قاتىسىپ تۇرامىن. بۇل بىزدەي جاستاعى كىسىلەرگە وتە پايدالى ءىس-شارا، سەبەبى ءوز جاسىنداعى ازاماتتارمەن جارىسىپ، كەرەمەت اتموسفەراعا بولەنەسىڭ»، - دەدى ۆلاديمير گاشۋتا.

سونىمەن قاتار، ول 200 باسپالداققا ەكىنشى بولىپ شىعىپ كۇمىس جۇلدەنى قانجىعاسىنا بايلادى. ال، ايەلدەر اراسىندا 70 جاستان جوعارى قاتىسۋشىلاردىڭ قاتارىندا 100 ساتىعا ءبىرىنشى بولىپ اۋەزوۆ اۋدانىنىڭ ارداگەرلەرى قاتارىنداعى ۆالەنتينا ۆيچكۋتكينا كەلدى.



جەڭىمپازدار مەن جۇلدەگەرلەر ۇزدىك ناتيجەلەر بويىنشا، بارلىق جاس ەرەكشەلىكتەرىنە بايلانىستى انىقتالىپ مەدال مەن ديپلومدار جانە جارىس ۇيىمداستىرۋشى مەن سەرىكتەستەرى - مەديتسينالىق كومپانيا «Omron» جانە «Sport Idea» سپورت دۇكەنى اتىنان سىيلىقتار تابىستالدى.



وسى مەرەكەلىك شارانىڭ قاتىسۋشىلارى مەن قوناقتارى «گالانتۋس» گرۋپپاسىنىڭ جاندى داۋىستا ورىندالعان اندەرىنە ءبي بيلەپ، ارنايى ورىنداردا كوپتەگەن ويىندار ۇيىمداستىرىلدى.



ايتا كەتۋ كەرەك، بۇل سپورتتىق جارىسقا ەڭ جاس جانە ەرەسەك سپورتشىلار (7-12 جاس ارالىعىنداعى بالالار جانە 70 تەن اسقاندار) باسپالداقتى باعىندىرۋعا مۇمكىندىك العان بولاتىن.

اتالمىش سپورتتىق شارا بۇقارالىق سپورتتىڭ دامۋىنا باعىتتالعان «سپورتتىق الماتى» باعدارلاماسىنىڭ اياسىندا وتكىزىلدى.

 

سوڭعى جاڭالىقتار