نادال مەن فەدەرەر العاش رەت جۇپتاسىپ وينادى

استانا. قازاقپارات - پراگادا وتكەن كورمەلىك تۋرنيردە يسپاندىق رافاەل نادال مەن شۆەيتساريالىق رودجەر فەدەرەر العاش رەت جۇپتاسىپ وينادى، دەپ حابارلايدى حابار 24 تەلەارناسى.

ولاردىڭ قارسىلاستارى امەريكالىق دجەك سوك پەن سەم كۋەرري بولدى. كەزدەسۋ 6:4, 1:6، 10:5 ەسەبىمەن اياقتالدى.

ەسكە سالا كەتسەك، نادال قازىرگى ۋاقىتتا كاسىبي تەننيسشىلەر قاۋىمداستىعى رەيتينگىندە ءبىرىنشى ورىندا تۇر، ال فەدەرەر - ەكىنشى. تەننيسشىلەر ءبىر-بىرىنە قارسى 37 ماتچ وتكىزگەن. 23 رەت يسپاندىق باسىم ءتۇستى. ال شۆەيتساريالىق بولسا، ۇلكەن دۋلىعا ءتۋرنيرى تيتۋلدارىن جەڭىپ الۋدان رەكوردشى (19). نادال مۇنداعى كورسەتكىش بويىنشا ەكىنشى ورىندا (16).