سولتۇستىك كورەيا جەر سىلكىنىسى جارىلىس سالدارىنان بولۋى مۇمكىن

استانا. قازاقپارات - ق ح د ر- ءدىڭ سولتۇستىك- شىعىسىنداعى حامگيەن- پۋكتو پروۆينتسياسىندا سەنبى كۇنى 3,4 ماگنيتۋدالى جەر سىلكىنىسى بولدى. قىتاي سەيسمولوگيالىق ورتالىعى حابارلاعانداي، جەر ءدۇمپۋى جارىلىس سالدارىنان بولعان.
None
None

اقپاراتتا كورسەتىلگەندەي، جەراستى ءدۇمپۋى بەيجىڭ ۋاقىتىمەن ساعات 16:29-دا (استانا ۋاقىتىمەن 14:29) تىركەلگەن. ءزىلزالا وشاعى - «0 م» تەرەڭدىكتە.

NHK تەلەارناسىنىڭ دەرەگى بويىنشا، جەر سىلكىنىسى يادرولىق پوليگون سىناعىنىڭ جانىندا بولعان.

 بۇدان بۇرىن، جۇما كۇنى ق ح د ر س ءى م باسشىسى مالىمدەگەندەي، پحەنيان ا ق ش- تىڭ اگرەسسيۆتى ساياساتىنا جاۋاپ رەتىندە جاڭا سۋتەگى بومباسىن سىناقتان وتكىزۋى مۇمكىن. ونىڭ ايتۋىنشا، اڭگىمە قۋاتتى سۋتەگى بومباسىن تىنىق مۇحيتىندا سىناقتان وتكىزۋ ىقتيمالدىعى جايلى بولىپ وتىر.

سوڭعى جاڭالىقتار