11:48, 24 - قىركۇيەك 2017 | GMT +5
استانادا الامان بايگە وتەدى
استانا. قازاقپارات - 24 - قىركۇيەك استاناداعى «قازانات» يپپودرومىندا بايگە تۇرلەرى بويىنشا جارىس وتەدى، دەپ حابارلايدى قازاقپارات.

ساعات 15.00-تە باستالاتىن جارىس باعدارلاماسىنا 7 شاقىرىمعا شاقتالعان جورعا جارىس پەن 21 مىڭ مەترلىك الامان بايگە كىرەدى.
سونىمەن قاتار، قازاقستان جاستارىنىڭ قۇرمەتىنە (1,4 شاقىرىمدىق)، حالىقارالىق «ەكسپو-2017» كورمەسىنىڭ قۇرمەتىنە (1,8 شاقىرىم)، «ماڭگىلىك ەل» (2400 م) ، جانە سۋپەر دەربي (2,4 شاقىرىم) سىيلىقتار قاراستىرىلعان.
جۇلدە سوماسى ءۇشىنشى ورىنعا دەيىن ءبولىنىپ بەرىلەدى، دەپ حابارلايدى سپورت جانە دەنە شىنىقتىرۋ ىستەرى كوميتەتىنىڭ باسپا ءسوز قىزمەتى.