قازاقستانىڭ اگرارلىق سەكتورىنا ويى جۇيرىك ماماندار قاجەت - ا ش م

استانا. قازاقپارات - قازاق ۇلتتىق اگرارلىق ۋنيۆەرسيتەتىندە وتكەن جيىندا اگرارلىق عىلىمنىڭ جاعدايىن تۇبەگەيلى جاقسارتۋدىڭ جولدارى تالقىلاندى، دەپ حابارلايدى قازاقپارات ق ر  ا ش م باسپا ءسوز قىزمەتىنە سىلتەمە جاساي وتىرىپ.

 جيىنعا ق ر پرەمەر- ءمينيسترىنىڭ ورىنباسارى اۋىل شارۋاشىلىعى ءمينيسترى ا. مىرزاحمەتوۆتىڭ قاتىستى.

جيىنعا بارلىق عىلىمي زەرتتەۋ ينستيتۋتتارىنىڭ وكىلدەرى، عالىمدار، رەسپۋبليكالىق اگرارلىق وقۋ ورىندارىنىڭ باسشىلارى، اۋىل شارۋاشىلىعى تاۋار وندىرۋشىلەرى، بيزنەس قاۋىمداستىق وكىلدەرى قاتىستى.

العاش رەت ديالوگتىق فورماتتا وتكەن كەڭەستە اگرارلىق عىلىمنىڭ اۋىل شارۋاشىلىعى وندىرىسىمەن سايكەسسىزدىگى، ترەندتەردەن كەش قالىپ كەلە جاتقاندىعى اشىق جانە وتكىر ايتىلدى. سونىمەن بىرگە، اگرارلىق عىلىمنىڭ جاعدايىن تۇبەگەيلى جاقسارتۋدىڭ جولدارى تالقىلاندى.

قازىرگى تاڭدا اگرارلىق عىلىمنىڭ الەۋەتى تومەن، اۋىل شارۋاشىلىعى سالاسى بويىنشا وزىق تەحنولوگيالار مەن يننوۆاتسيالاردىڭ ۇلەسى از ەكەنىن ايتا كەتكەن ءجون.

مامانداردىڭ جاسىنىڭ ۇلعايۋى، عالىمداردىڭ باسقا سالاعا اۋىسۋى، جاستاردىڭ عىلىمعا قىزىقپاۋىنان اۋىل شارۋاشىلىعى عىلىمىنىڭ دەڭگەيى تومەندەپ وتىر.

مىسالى، سوڭعى 10 جىلدا اۋىل شارۋاشىلىعى عىلىممەن اينالىساتىن مامانداردىڭ سانى 8 پايىزعا تومەندەدى، عىلىمي دارەجەسى بار عالىمداردىڭ ورتاشا جاسى - 57 جاس، باس عىلىمي قىزمەتكەرلەردىڭ ورتاشا جاسى - 65 جاس، جەتەكشى جانە اعا عىلىمي قىزمەتكەرلەردىڭ- 54 جاس، كىشى عىلىمي قىزمەتكەر - 30 جاس بولىپ تابىلادى. زەينەتكەرلىك جاسىنداعى عالىمدار 15 پايىز قۇراپ وتىر. ەكونوميكانىڭ باسقا سەكتورىمەن سالىستىرعاندا، عالىمداردىڭ ورتاشا جالاقى مولشەرى ءبىرشاما تومەن.

ال حالىقارالىق تاجىريبەگە سۇيەنسەك، بيزنەس- قاۋىمداستىق وكىلدەرى تاراپىنان عىلىمدى قارجىلاندىرۋ ۇلەسى ليۋكسەمبۋرگتە - 80 پايىز، جاپونيا مەن گەرمانيادا - 70 پايىز، ۆ فينليانديا، شۆەتسيا، قىتاي، ا ق ش- تا - 65 پايىز، فرانسيادا - 54 پايىز قۇرايدى. ال بۇل كورسەتكىش ءبىزدىڭ ەلىمىزدە نەبارى 5 پايىز.

جينالىس بارىسىندا ۆەدومستۆا باسشىسى عىلىمي- زەرتتەۋ ينستيتۋتتارى مەن تاجىريبەلى شارۋاشىلىقتاردىڭ ۇلەسىندە 159 مىڭ گا جەر بار ەكەنىن، سول جەرلەردى ءتيىمدى پايدالانسا، مەملەكەتتىك بيۋدجەتتى ەسەپتەمەگەندە قوسىمشا 10 ميلليارد تەڭگە كولەمىندە تابىس تابۋعا بولاتىنىن ايتىپ ءوتتى.

سونىمەن قاتار، اگرارلىق سەكتوردىڭ دامۋىنىڭ ءبىر كورسەتكىشى - جوعارى ءبىلىمدى كادر دايارلاۋ.

قازىرگى تاڭدا اۋىلدا مامان تاپشى. جوعارى وقۋ ورنىن مەملەكەتتىك گرانتپەن بىتىرگەن تۇلەكتەردىڭ 50 پايىز عانا اۋىلدى جەرلەردە جۇمىس جاسايدى.

ەڭبەك نارىعىنىڭ ءبىر تالابى - وندىرىسكە يننوۆاتسيالىق تەحنولوگيالاردى ەنگىزەتىن، ويى جۇيرىك زامان تالابىنا ساي بىرنەشە ءتىل بىلەتىن ماماندار.

تاۋەلسىزدىك العان 25 جىلدا اۋىل شارۋاشىلىعى سالاسى بويىنشا «بولاشاق» باعدارلاماسى ارقىلى تەك 70 جاس مامان ءبىلىم الىپ، وزدەرىنىڭ بىلىكتىلىكتەرىن ارتتىرعان.

ق ر پرەمەر ءمينيسترىنىڭ ورىنباسارى - ق ر اۋىل شارۋاشىلىعى ءمينيسترى ا. مىرزاحمەتوۆ: «نە ءۇشىن جۇمىس ىستەۋ كەرەك ەكەنىمىزدى ويلاناتىن ناقتى ماقسات بار. مەنىڭشە، عىلىمنىڭ، ونىڭ ىشىندە اگروعىلىمنىڭ دامۋىنا كەدەرگى كەلتىرىپ وتىرعان بىردەن ءبىر جايت - ول ماسەلەنى شەشۋدەگى جۇيەسىزدىك. اگرارلىق عىلىمدى دامىتۋ ءۇشىن، بىرىنشىدەن عىلىمي زەرتتەۋ ينستيتۋتتارىنىڭ كادرلىق ساياساتىن جاڭارتۋ كەرەك. ەكىنشىدەن، قارجىلاندىرۋدىڭ باسقا كوزدەرى ارقىلى جاڭا ءوندىرۋ مەحانيزمدەرىن جەتىلدىرۋ. ۇشىنشىدەن، زەرتتەۋ ينستيتۋتتارىن جاڭالاۋ. تورتىنشىدەن وندىرىستە سۇرانىسقا يە عىلىمي- زەرتتەۋ جانە تاجىريبەلىك- كونسترۋكتورلىق جۇمىستارعا ناقتى باعالاۋ جۇيەسىن ەنگىزۋ.

جيىن قورىتىندىسىندا جول كارتاسىن ىسكە اسىرۋ باعىتىندا كادر ساياساتى جۇيەسىن جەتىلدىرۋ مەن «بولاشاق» باعدارلاماسى بويىنشا ماماندار دايىنداۋدى جانە الەمنىڭ جەتەكشى ۋنيۆەرسيتەتتەرىنەن عالىمداردىڭ تاجىريبەدەن ءوتۋ جۇيەسىن جەتىلدىرۋ تۋرالى تاپسىرما بەرىلدى.