15:46, 23 - قىركۇيەك 2017 | GMT +5
قاراعاندى وبلىسىندا العاشقى قار جاۋدى
قاراعاندى. قازاقپارات - قاراعاندى وبلىسىنداعى اقتاس كەنتى، قاراعاندى، ساران قالالارىنىڭ تۇرعىندارى العاشقى قاردى قارسى الدى، دەپ حابارلايدى «قازاقپارات» ح ا ا ءتىلشىسى.

ءوڭىر تۇرعىندارى الەۋمەتتىك جەلىلەردە جاۋعان قار تۋرالى سۋرەتتەرمەن جانە ۆيدەوروليكتەرمەن بەلسەندى بولىسۋدە.
«جەدەل مەديتسينالىق جاردەم» قىزمەتىنە اۋا رايى مەن كۇننىڭ سۋىتۋىنا بايلانىستى قايعىلى جاعدايلار تۋرالى اقپارات تۇسپەگەن. سونداي-اق، پاۆلودارعا دا العاشقى قار جاۋدى.
مەتەوقىزمەت دەرەگى بويىنشا، قازاقستاننىڭ ءبىرقاتار وڭىرلەرىندە كۇن سۋىتادى. سەبەبى، قارا تەڭىز اۋداندارىنان قازاقستان اۋماعىنا سۋىق جانە ىلعالدى اۋا ماسسالارى اۋىسىپ جاتىر.