ازيا ويىندارى: قازاقستان ءبىر كۇندە بەس «التىن» يەلەندى

استانا. قازاقپارات - تۇرىكمەنستاننىڭ اشحابات قالاسىندا جاۋىنگەرلىك ونەر تۇرلەرى بويىنشا جابىق عيماراتتا وتەتىن V ازيا ويىندارى جالعاسۋدا.

جارىستىڭ جەتىنشى كۇنىندە قازاقستان سپورتشىلارى توعىز مەدال ەنشىلەدى - بەس التىن جانە ءتورت قولا.

«التىندى» پەريزات جاقىپبەكوۆا (بەلبەۋ كۇرەسى)، ءادىل قاسقاباي (ءجۇزۋ)، اسەم سادىقوۆا (اۋىر اتلەتيكا)، پاۆەل ۆورجيەۆ جانە قازاقستاننىڭ ەرلەر كومانداسى (ۆەلوترەك) الىپ كەلسە، «قولانى» ءاليحان قارانەيەۆ (بيليارد)، قازاقستاننىڭ جۇزۋدەن ەرلەر كومانداسى، سەرگەي پونوماريەۆ (ۆەلوترەك) جانە ۇلجان دۇيسەمبايەۆا (بەلبەۋ كۇرەسى) سىيلادى.

جەتىن كۇنگى جارىستان كەيىن قازاقستان 46 مەدالمەن (14-12-20) جالپى ەسەپتە بەسىنشى ورىندا تۇر. ءبىرىنشى ورىندا 175 مەدالمەن (69-51-55) - تۇرىكمەنستان، ەكىنشى ورىندا 66 (17-14-35) مەدالمەن - يران جانە ءۇشىنشى ورىندا 77 (16-19-42) مەدالمەن وزبەكستان كەلەدى.