قوستاناي وبلىسى: جەڭگەتايلىقپەن اينالىستى دەگەن كۇدىكپەن دەپۋتات ۇستالدى

جىل باسىنان بەرى رۋدنىي قالاسىندا 3 جەڭگەتايلىق فاكتىسى تىركەلگەن. جاقىندا جەڭگەتايلىقپەن اينالىسىپ جۇرگەن 25 جاستاعى رۋدنىيلىق يۋليا كارالاشقا قاتىستى قىلمىستىق ءىس قوزعالدى.
بۇل اقپاراتتى قوستاناي وبلىستىق ءى ءى د- ءنىڭ باسپا ءسوز قىزمەتىندە راستادى.
«سوكولوۆ-سارىباي» كەن ءوندىرۋ باسقارماسى» ا ق تەحنيكالىق دامۋ جانە تەحنولوگيالار دەپارتامەنتىندە قىزمەت ەتەتىن يۋليا كارالاشتىڭ ەسىمى وبلىسقا جاقسى تانىس. ول بىرنەشە رەسپۋبليكالىق مادەني بايقاۋلاردىڭ جۇلدەگەرى بولعان. كۇدىكتىنى وبلىستىق ءى ءى د ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ۇستاعان. وسى فاكتى بويىنشا ق ر ق ك 309-بابى 1-بولىگىنە سايكەس قىلمىستىق ءىس قوزعالدى. قازىرگى مالىمەتتەرگە سۇيەنسەك، حالىق قالاۋلىسى 9- قىركۇيەك كۇنى 29 جاستاعى رۋدنىي قالاسىنىڭ تۇرعىنىنا 24 جاستاعى قىزدى 60 مىڭ تەڭگەگە ۇسىنعان. قىزدىڭ جەزوكشەلىكپەن اينالىسۋىنا «جاعداي جاساعان» دەپۋتاتتىڭ قىلمىسى دالەلدەنسە، ونىڭ مۇلكى تاركىلەنىپ، 5 جىلعا دەيىن باس بوستاندىعىنان ايىرىلۋى مۇمكىن.
«سوكولوۆ- سارىباي» كەن ءوندىرۋ باسقارماسى» ا ق ب ا ق- پەن بايلانىس جونىندەگى مامان ناتاليا ەرماچەنكو ءىستىڭ انىق-قانىعىن بىلمەيتىنىن ايتتى. ونىڭ قوسىمشا تابىس كوزى بار بولىپ شىقتى.
يۋ. كارالاش - تانىمال Karalash Fashion Company ينتەرنەت-دۇكەنىنىڭ يەسى. سونداي-اق، وسى ۋاقىتقا دەيىن «سسكوب» ا ق تەحنيكالىق دامۋ جانە تەحنولوگيالار دەپارتامەنتىندە قىزمەت اتقارىپ كەلگەن. ءماسليحاتتا ول الەۋمەتتىك ساياسات جانە ەكولوگيا ماسەلەلەرىنە جاۋاپ بەرەتىن. بۇگىندە كۇدىكتى يۋليا كارالاشتىڭ دەپۋتات مانداتىنان ايىرىلىپ، «نۇر وتان» پارتياسىنىڭ مۇشەلىگىنەن شىعارىلعانى بەلگىلى بولدى.