قازاقستان ستاندارتتاۋ جونىندەگى حالىقارالىق ۇيىم كەڭەسىنىڭ قۇرامىنا كىردى
بۇل حالىقارالىق ستاندارتتاۋ جۇيەسىن دامىتۋدا ماڭىزدى شەشىمدەر قابىلداۋ شارالارىنا قاتىسۋعا مۇمكىندىك بەرەدى. ISO- نىڭ 162 مۇشەسى بار. ISO كەڭەسى 20 قاتىسۋشىدان تۇرادى (6 تۇراقتى جانە 14 ءى تاڭدالادى).
ق ر ي د م تەحنيكالىق رەتتەۋ جانە مەترولوگيا كوميتەتىنىڭ ءتوراعاسى عالىمجان دۇعالوۆتىڭ باسشىلىعىمەن بارعان دەلەگاتسيا گەرمانيادا ءوتىپ جاتقان حالىقارالىق ستاندارتتاۋ اپتالىعى اياسىندا اسسامبلەيا جۇمىسىنا بەلسەندى قاتىسۋدا.
ءىس-شارا اياسىندا يندۋستريا 4.0 ونەركاسىبى مەن يننوۆاتسيا سالاسى بويىنشا ستاندارتتار ازىرلەۋدىڭ وزەكتى ماسەلەلەرىن تالقىلاۋ جوسپارلانۋدا. سونداي-اق، ISO جاريالانىمىن جاڭعىرتۋ مەن ساتىلىم جانە اۆتورلىق قۇقىقتى قورعاۋ، ISO پروتسەدۋرالىق ءتارتىبى مەن جارعىداعى وزگەرىستەردى تاراتۋ بويىنشا ISO- نىڭ جاڭارتىلعان ساياساتى تانىستىرىلاتىن بولادى.
ستاندارتتاۋ مەن باسقا دا سالالارعا جاس بۋىندى تارتۋ ماسەلەسى دە تالقىلاناتىن بولادى. ISO 2017 باس اسسامبلەياسىندا ق ر ي د م تەحنيكالىق رەتتەۋ جانە مەترولوگيا كوميتەتى مەن اۆستريانىڭ ستاندارتتار ينستيتۋتى اراسىندا جول كارتاسىن ىسكە اسىرۋ جونىندەگى ىنتىماقتاستىق تۋرالى مەموراندۋمعا قول قويىلادى، دەپ جوسپارلانعان. سونداي-اق، نەمىستىڭ، چەحتىڭ جانە تۇرىكتىڭ ستاندارتتاۋ جونىندەگى ورگاندارىمەن ەكىجاقتى كەلىسىمدەر مەن مەموراندۋمدارعا قول قويىلادى.
