قازاقستاندا ۇلدار مەن قىزدار بولەك وقىتىلۋى مۇمكىن بە - ساعاديەۆتىڭ جاۋابى

استانا. قازاقپارات - قازاقستاندا ۇلدار مەن قىزدار بولەك وقىتىلۋى مۇمكىن بە؟
None
None

بۇل ساۋالدىڭ جاۋابىن بۇگىن ق ر پارلامەنتى سەناتىندا ءوتىپ جاتقان «ورتا ءبىلىم بەرۋ جۇيەسىنىڭ جاي- كۇيى، پروبلەمالارى جانە زاڭنامالىق رەتتەۋ پەرسپەكتيۆالار» تاقىرىبىنا ارنالعان پارلامەنتتىك تىڭداۋ بارىسىندا ق ر ءبىلىم جانە عىلىم ءمينيسترى ەرلان ساعاديەۆ بەردى، دەپ حابارلايدى قازاقپارات.

ايتا كەتەرلىگى، پارلامەنتتىك تىڭداۋ بارىسىندا سەناتور سارسەنباي ەڭسەگەنوۆ مينيستردەن: «تاربيەسىز ءبىلىمنىڭ زياندىلىعى، ءتىپتى قاۋىپتىلىگى تۋرالى ورتا عاسىردا ءومىر سۇرگەن ويشىلدار ايتىپ كەتكەن. سوندىقتان مەكتەپتەگى ءبىلىم بەرۋ تاربيەمەن بىرگە ءجۇرۋ كەرەك دەپ ويلايمىن. رۋحاني جاڭعىرۋدا ايتىلعان ۇلتتىق كودتى ەنگىزۋدە مەكتەپ تاربيەسىنىڭ بەرەرى كوپ. وسى ورايدا سوڭعى كەزدەرى ءبولىپ وقىتۋ ماسەلەسى ايتىلۋدا. اسىرەسە، قىز بالالارعا ارنالعان ارنايى مەكتەپتەر بولسا دەۋدە. ونىڭ عىلىمي نەگىزدەمەسى دە جازىلىپ ءجۇر. وسى ماسەلەگە وراي ءسىزدىڭ كوزقاراسىڭىزدى بىلگىم كەلەدى»، - دەگەن ەدى.

وسى ماسەلەگە قاتىستى كوزقاراسىن بىلدىرگەن مينيستر مۇنداي ۇسىنىستى دۇرىس ەمەس دەپ سانايتىندىعىن ايتتى.

«مەنىڭ ويىمشا، قازاقستاندا قىزدارعا، ۇلدارعا ارنالعان مەكتەپتەردىڭ بولۋى دۇرىس ەمەس. بىزدە ونداي ءداستۇر بولماعان. ەندى ونى سالامىز دەسەك، وندا الدىمەن قوعامدىق ۇلكەن پىكىرلەسۋ جۇمىستارىن جۇرگىزىپ الۋىمىز كەرەك»، - دەدى ەرلان ساعاديەۆ.

اۆتور: مارلان جيەمباي

سوڭعى جاڭالىقتار