مينيستر داۋلى ورىس ءتىلى وقۋلىعىنا قاتىستى پىكىر ءبىلدىردى

استانا. قازاقپارات - ءبىلىم جانە عىلىم ءمينيسترى ەرلان ساعاديەۆ وقۋلىقتارعا قاتىستى ايتىلعان سىندارعا جاۋاپ بەردى.
None
None

بۇل تۋرالى Sputnik قازاقستان حابارلايدى.

«ورىس ءتىلى وقۋلىعى مەن پەترۋشەۆسكايانىڭ ەرتەگىلەرىنە توقتالايىن. قازىرگى تاڭدا بۇقارالىق اقپارات قۇرالدارى بۇل تۋرالى كوپ جازىپ جاتىر. بىرىنشىدەن، 9 ايدا ساراپشىلار، مۇعالىمدەر، قىزىعۋشىلىق تانىتقان اتا-انالاردان 5 مىڭ ۇسىنىس كەلىپ ءتۇستى. ءبىراق وسى ەرتەگىلەرگە قاتىستى ەشقانداي ۇسىنىس بولعان جوق»، - دەدى ساعاديەۆ سەناتتا ءوتىپ جاتقاپ پارلامەنتتىك تىڭداۋ بارىسىندا.

«وقۋشى وسى جاتتىعۋ بويىنشا 1,2 مىڭنان استام تاپسىرمادان بار-جوعى 6 تاپسىرما عانا الادى. ۇشىنشىدەن، ءبىز رەسەيلىك ساراپشىلاردان وتە جوعارى باعا الدىق. شىندىعىندا ەكى ورىس ءتىلىنىڭ بولۋى مۇمكىن ەمەس. ونىڭ بىرىندە ءبىز سويلەيمىز، بالالارىمىز كۇندەلىك قولدانادى. ال ەكىنشىسى - مۋزەي ەكسپوناتى سياقتى. ەكەۋى دە ورىس ءتىلى»، - دەدى ول.

مينيستر وقۋلىقتاردىڭ مازمۇنىن جاڭارتۋ پرەزيدەنتتىڭ تاپسىرماسىنا سايكەس جۇرگىزىلىپ جاتقانىن اتاپ ءوتتى.

«ءبىز بالانى جان-جاقتى، ءتىپتى ول سويلەيتىن ءتىل تۋرالى ويلاۋعا دا ماجبۇرلەيمىز. بارلىق ۋاقىتتا ءبىر نارسەگە كوڭىلى تولماي، نارازى بولاتىن ادامدار بولادى. وتكەن جىلى دا سولاي بولعان. ءبىراق ءبىز 18 ميلليون حالىقتىڭ ءبىر ورىندا تۇرىپ قالۋىنا جول بەرمەيمىز. وكىنىشكە قاراي، مۇنداي جايت ءبىلىم بەرۋ سالاسىندا بولدى»، - دەپ ءتۇيدى ءسوزىن ساعاديەۆ.

ەسكە سالا كەتسەك، اتا-انالار ورىس ءتىلى وقۋلىعىنا قاتىستى سىني پىكىرلەر بىلدىرگەن بولاتىن. مىسالى، جەتىنشى سىنىپقا ارنالعان وقۋلىقتا «كەشكى ۋرگانت» باعدارلاماسىنان ءۇزىندى كورۋ تاپسىرماسى بار.

سونداي-اق رەسەيلىك قالامگەر ليۋدميلا پەترۋشەۆسكايانىڭ كۋكۋسيا مەن بۋتياۆكا تۋرالى لينگۆيستيكالىق ەرتەگىسىنە قاتىستى تاپسىرمالار مەن «پياريت پودكاست چەرەز سوسسەتي»، «لايكات»، «رەتۆيتنۋت» سەكىلدى سوزدەرى دە كەيبىر قازاقستاندىقتاردىڭ تۇسىنبەۋشىلىگى مەن نارازىلىعىن تۋدىرعان ەدى.

سوڭعى جاڭالىقتار