قازاقستان ءوزىن فوسفور تىڭايتقىشتارىمەن تولىق قامتاماسىز ەتەدى
بەرىلگەن اقپاراتقا سايكەس، ۇستىمىزدەگى جىلدىڭ قاڭتار-تامىزىندا ق ر حيمونەركاسىپ كومپانيالارى 102,3 مىڭ توننا فوسفورلىق تىڭايتقىشتار وندىرگەن (بيل بىلتىرعىمەن سالىستىرعاندا %72,2 عا كوپ)، ال ازوتتىق تىڭايتقىشتاردى 262,1 مىڭ تونناعا جەتكىزگەن (%6,2+).
فوسفورلىق تىڭايتقىشتار ءوندىرىسى دەرلىك تولىعىمەن جامبىل وبلىسىنىڭ ۇلەسىنە تۋرا كەلەدى. جامبىلدىقتار جالپى قازاقستاندىق ءونىمنىڭ %91,8 ىن قۇرايتىن 93,9 مىڭ توننا تىڭايتقىش وندىرگەن (%86,2+). ازوتتىق تىڭايتقىشتار نەگىزىنەن ماڭعىستاۋ وبلىسىندا وندىرىلەدى - 239,7 مىڭ توننا (%2,4+) نەمەسە رەسپۋبليكالىق بۇكىل ازوتتىڭ %91,5 ى.
ەلىمىزدەگى فوسفور جانە ازوتتىق تىڭايتقىشتار ءوندىرىسىنىڭ كوپجىلدىق ديناميكاسىندا تۇراقتى ءوسۋ بايقالىپ وتىر.
اتاپ ايتقاندا، 2015-جىلمەن سالىستىرعاندا 2016-جىلى ازوتتىق تىڭايتقىشتار ءوندىرىسى %12,1 عا (348,5 مىڭ تونناعا دەيىن)، فوسفورلىق تىڭايتقىشتار ءوندىرىسى %1,8 عا (94,9 مىڭ تونناعا دەيىن) ارتقان.
