سەنات ءتوراعاسى: شەتەلگە ءبىلىم الۋعا كەتىپ جاتقان جاستار سانىنىڭ ارتۋى الاڭداتادى

استانا. قازاقپارات - شەتەلگە ءبىلىم الۋعا كەتىپ جاتقان جاستار سانىنىڭ كۇننەن-كۇنگە ارتا ءتۇسۋى الاڭداتارلىق جايت.
None
None

بۇل تۋرالى بۇگىن ق ر پارلامەنتى سەناتىندا ءوتىپ جاتقان «ورتا ءبىلىم بەرۋ جۇيەسىنىڭ جاي-كۇيى، پروبلەمالارى جانە زاڭنامالىق رەتتەۋ پەرسپەكتيۆالار» تاقىرىبىنا ارنالعان پارلامەنتتىك تىڭداۋ بارىسىندا سەنات ءتوراعاسى قاسىم-جومارت توقايەۆ ايتتى، دەپ حابارلايدى قازاقپارات.

«ماتەريالدىق جانە مورالدىق ىنتالاندىرۋدى دۇرىس جولعا قويماساق ءبىز مۇعالىم كاسىبىنىڭ مارتەبەسىن جوعارىلاتا المايمىز. قازىرشە تالاپكەرلەر كوپ جاعدايدا پەداگوگيكالىق جوعارى وقۋ ورىندارىن وڭاي تۇسۋگە بولاتىن وقۋ ورنى دەگەن قاعيدات بويىنشا تاڭدايتىنى جاسىرىن ەمەس. ويتكەنى پەداگوگيكالىق ماماندىق بويىنشا وقۋعا تۇسۋگە قاجەتتى بال سانى باسقا ماماندىقتارمەن سالىستىرعاندا ايتارلىقتاي تومەن. مۇنداي جاعداي كەلەشەكتە وقىتۋشىلار قۇرامىنىڭ ساپاسىنا تىكەلەي كەرى اسەر ەتەتىندىگى انىق. ال بۇل تولىعىمەن كەرىسىنشە بولۋى ءتيىس. قازاق حالقىنىڭ اسا كورنەكتى ۇستازى ىبىراي التىنسارين: «ەگەر بالالار بىردەمەنى تۇسىنبەيتىن بولسا، وندا وقىتۋشىلار ولاردى كىنالاۋعا ءتيىستى ەمەس. ولارعا تۇسىندىرە الماي وتىرعان ءوزىن كىنالاۋعا ءتيىس»، دەگەن. سوندىقتان دا ۇستازداردىڭ بىلىكتىلىگىنە، ءبىلىم دەڭگەيىنە ەرەكشە نازار اۋدارۋ قاجەت»، - دەدى سەنات ءتوراعاسى.

سونىمەن قاتار ول ەلىمىزدەگى ورتا ءبىلىمنىڭ مازمۇنى نەگىزىنەن ءبىلىم الۋدى جوعارى وقۋ ورنىندا جالعاستىرۋعا باعىتتالعانىن اتاپ ءوتتى.

«قازاقستاندا تەحنيكالىق جانە كاسىپتىك ءبىلىم بەرۋ باعدارلاماسى بويىنشا وقىپ جاتقانداردىڭ سانى شامامەن 11 پايىزدى قۇرايدى. ويتكەنى تەحنيكالىق جانە كاسىپتىك ءبىلىم الۋعا ىنتالاندىرۋ دەڭگەيى ءالى دە تومەن. مەكتەپ وقۋشىلارىنىڭ 90 پايىزى ءبىلىم الۋدى جوعارى وقۋ ورنىندا جالعاستىرۋدى قالايدى. قازىرگى كەزدە ستۋدەنتتەردىڭ ۇشتەن ءبىرى عانا مەملەكەتتىك ءبىلىم تاپسىرىسى نەگىزىندە جوعارى ءبىلىم الۋدا. قالعاندارى اقىلى نەگىزدە وقيدى. ولاردىڭ سانى مەملەكەتتىك تاپسىرىسپەن وقيتىنداردان ەكى ەسە كوپ. مەكتەپ بىتىرۋشىلەردىڭ ايتارلىقتاي توبىنىڭ شەتەلدەرگە وقۋعا ەرەكشە كوڭىل ءبولۋدى قاجەت ەتەدى. شەتەلدىڭ جوعارى وقۋ ورىندارىنا كەتىپ جاتقان تالاپتكەرلەر سانىنىڭ كۇننەن كۇنگە ءوسۋى ءبىزدى الاڭداتىپ وتىر»، - دەدى قاسىم-جومارت توقايەۆ.

اۆتور: مارلان جيەمباي

سوڭعى جاڭالىقتار