رەسەي قاراعاندىلىق ەركەكشوپكە قىزىعۋشىلىق تانىتىپ وتىر

استانا. قازاقپارات - العاش رەت قاراعاندى وسىمدىكتانۋ جانە سەلەكسيا عىلىمي- زەرتتەۋ ينستيتۋتى (ق ءو س ع ز ي) بەس توننا ەركەكشوپتى رەسەيگە ەكسپورتتادى.

ەگەر تاۋار ساتىپ الۋشىلارعا ۇنايتىن بولسا، جونەلتىلەتىن ءونىم كولەمى اناعۇرلىم ۇلعايتىلاتىن بولادى، دەپ حابارلايدى وبلىستىق اكىمدىكتىڭ باسپا ءسوز قىزمەتى.

«ءبىز رەسەي فەدەراتسياسىنا سىناما تۇردە بەس توننا ەركەكشوپ جونەلتتىك، - دەپ مالىمدەدى. «ق ءو س ع ز ي» ج ش س باس ديرەكتورى دامير قالدىبايەۆ. - مۇنداي از كولەم رەسەي ءۇشىن ءبىزدىڭ نارىق تاڭسىق بولعاندىقتان ازىرگە ءبىزدىڭ تاۋارعا سەنىمسىزدىكپەن قاراۋىمەن ءتۇسىندىرىلىپ وتىر. ەگەر ءونىمنىڭ ساپاسى ولاردىڭ كوڭىلىنەن شىعاتىن بولسا، رەسەيلىكتەر اناعۇرلىم كوپ كولەمدە - 150 توننا ءشوپتى ساتىپ الۋعا دايىن».

سونىمەن قاتار «كاراگاندينسكايا-30» بيداي سۇرىپىن كورشىلەس اقمولا وبلىسىنىڭ اۋىلشارۋاشىلىق ءونىم وندىرۋشىلەرى ساتىپ الماقشى. بيىلعى جىلى سىناق ۋچاسكىلەرىندە بۇل سۇرىپ ەڭ ۇلكەن ونىمدىلىكتى - ءبىر گەكتاردان 15 سەنتنەردى كورسەتىپ وتىر. مامانداردىڭ ايتۋىنشا قۇرعاق كليمات جاعدايىندا بۇل بيداي ءتۇرى جوعارى كورسەتكىشتەرگە يە بولادى.

ازىرگە ق ءو س ع ز ي تۇقىمدارىنىڭ نەگىزگى تۇتىنۋشىلارى - جەرگىلىكتى شارۋالار. مۇندا تارى، سۇلى، ارپا داندەرى، ءبىر جىلدىق جانە كوپجىلدىق شوپتەر ساتىپ الىنادى.

ەركەكشوپ - اسا كۇتىمدى قاجەت ەتپەيتىن جەر مەن كليماتقا بەيىمدەلگەن كوپجىلدىق شوپتەردىڭ ءتۇرى. ول ⅩⅩ عاسىردان باستاپ قۇندى ازىق ءشوپ رەتىندە پايدالانادى.