فرانسيا قىسقى وليمپياداعا بارماۋى مۇمكىن

استانا. قازاقپارات - فرانسيا قۇراماسى ەگەر سپورتشىلاردىڭ قاۋىپسىزدىگىنە كەپىلدىك بەرىلمەيتىن بولسا، 2018-جىلى وڭتۇستىك كورەيانىڭ پحەنچحان قالاسىندا وتەتىن قىسقى وليمپيادا ويىندارىنا بارمايدى.

بۇل جايلى فرانسيا سپورت ءمينيسترى لورا فلەسسەل مالىمدەدى. ەگەر داعدارىس كۇشەيىپ، «قاۋىپسىزدىك كەپىلدەنبەسە، فرانسۋز كومانداسى ۇيدە قالادى»، - دەگەن ءمينيستردىڭ RTL راديوستانتسياسىندا سويلەگەن ءسوزىن كەلتىرەدى Reuters.

ك ح د ر قىركۇيەكتە يادرولىق سىناقتار وتكىزدى جانە تاعى ءبىر بالليستيكالىق زىمىرانىن ۇشىردى. ول جاپونيانىڭ سولتۇستىگىندەگى حوككايدو ارالىنىڭ ۇستىنەن ۇشىپ ءوتىپ، تىنىق مۇحيتقا بارىپ قۇلاعان. پحەنياننىڭ ارانداتۋشىلىق ارەكەتىنە جاۋاپ رەتىندە ب ۇ ۇ قاۋىپسىزدىك كەڭەسى وسى ەلگە قارسى قاتاڭ سانكسيالار كوزدەلگەن قارار قابىلدادى. پحەنچحانداعى 2018-جىلعى قىسقى وليمپيادا ويىندارى 9-25- اقپان كۇندەرى وتەدى.