08:53, 22 - قىركۇيەك 2017 | GMT +5
ىستانبۇل اۋەجايىندا اپاتقا ۇشىراعان ۇشاق ورتەنىپ كەتتى
استانا. قازاقپارات - ىستانبۇل قالاسىندا اتاتۇرىك اتىنداعى اۋەجايدا جەكە ۇشاق قۇلادى.

اپات سالدارىنان ءبىر ادام قازا تاپتى، دەپ حابارلايدى دوگان اگەنتتىگى.
كۋاگەرلەردىڭ سوزىنە قاراعاندا، ۇشاق اپاتتىق جاعدايدا قونۋعا ارەكەت جاساعان، ءبىراق ۇشۋ-قونۋ جولاعىنان شىعىپ كەتكەن. ۇشاق وتقا وراندى، سالدارىنان ۇشقىش قازا تاۋىپ، ءتورت جولاۋشى جاراقاتتانعان. اپات سەبەپتەرى قازىرگە بەلگىسىز.