الماتى وبلىسىندا «شوگەن» ويىنى قايتا جاڭعىرۋدا
«پولو» - بۇل شوگەن ويىنىنىڭ الەمدىك اتاۋى. دەرەك بويىنشا، كەزىندە بۇل سپورت ءتۇرىن ءبىزدىڭ اتا بابالارىمىز ويلاپ تاپقان. بۇگىندە دۇنيە ءجۇزىنىڭ 80-گە جۋىق ەلى وسى سپورت تۇرىمەن اينالىسادى. ءبىزدىڭ ەلدە 2015 -جىلى ارنايى فەدەراتسيا قۇرىلىپ، تالعار اۋدانىندا شوگەن ورتالىعى اشىلعان. بۇگىندە مۇندا جەتىسۋ جەرىنىڭ نامىسىن قورعاپ جۇرگەن قوس كوماندا بار. ءبىر سوزبەن ايتقاندا شوگەن - ات ۇستىندە تاياقپەن دوپ قۋىپ وينايتىن ويىن. حوككەيگە ۇقسايدى. الايدا ءار تايىمى جەتى مينۋتتان تۇراتىن بۇل ويىندا قاقپا بولعانمەن، قاقپاشى بولمايدى. ءتارتىپ ەرەجەلەرى دە وزگەشە.
«ءاربىر گول سالىنعاننان كەيىن كوماندالار قاقپاسىمەن اۋىسادى. سوندىقتان ءاربىر دوپ كىرگەن كەزدە مىندەتتى تۇردە ەكى جاق اۋىسىپ وتىرادى»، دەيدى «شوگەن» ويىنى فەدەراتسياسى ديرەكتورىنىڭ ورىنباسارى ايدىن جاكەجانوۆ.
«رۋحاني جاڭعىرۋ دەگەن تەك مادەني كوپشىلىك ءىس شارالار عانا ەمەس، ءبىزدىڭ بابالارىمىزدان قالعان، بۇگىندە ۇمىت بولا باستاعان، نەمەسە ازايىپ كەتكەن سپورتتىڭ دا تۇرلەرىن ءبىز جارىققا شىعارۋىمىز كەرەك. كورسەتۋىمىز كەرەك، دامىتۋىمىز كەرەك، ايتۋىمىز كەرەك. قاناتىن كەڭگە جايدىرۋىمىز كەرەك. سول ءۇشىن دە بۇگىن ءبارىن جيناپ وسىنداي شارا وتكىزىپ جاتىرمىز»، - دەدى وبلىس اكىمىنىڭ ورىنباسارى جاقسىلىق ومار.
شاراعا كەلگەندەر بۇركىتتى قولدارىنا قوندىرىپ، ۇشىرىپ قىزىقتادى. جينالعاندار ساياتشىلىق ونەردىڭ قىر- سىرىنا دا قانىق بولدى.
اۆتور: سامال قابىشيەۆا
