اقتوبەلىك اقساقال نۇرسۇلتان نازاربايەۆقا سايگۇلىكتى قالاي سىيعا تارتقانىن ايتىپ بەردى
وسىدان شيرەك عاسىر بۇرىن نۇرسۇلتان نازاربايەۆ اقتوبە وبلىسىنىڭ ايتەكە بي اۋدانىنا كەلەتىن بولدى. سول كەزدەگى وبلىس باسشىسى شالباي قۇلماحانوۆ باستاعان حالىق قوناقجايلىلىق تانىتىپ، ەلباسىعا قۇرمەت جاسادى.
قۋاندىق اقساقال سول ۋاقىتتا اۋىل شارۋاشىلىعى ءبولىمىنىڭ مامانى بولعان. ەكى اي بويى اقباقاي اتتى سايگۇلىكتى جاراتىپ، قولدان ات ابزەلدەرىن دايىنداعان.
جىلقىنىڭ جاقسى جاراتىلعانىنا تاڭقالعان مەملەكەت باسشىسى اقساقالدىڭ قولىن الىپ، ارقاسىنان قاققان.
«كەزدەسۋ اياقتالعان سوڭ، ەلباسى حالىقپەن قوشتاسىپ، كولىگىنە بەتتەدى. ارعىماقپەن پرەزيدەنت كورتەجىنىڭ سوڭىنان ىلەستىم. تىكۇشاق تۇرعان جەرگە كەلگەن سوڭ، نۇرسۇلتان ءابىش ۇلىنىڭ كوزى سەگىز ءورىم توبىلعى ساپتى قامشىعا ءتۇسىپ، ەرەكشە ىقىلاسىن تانىتقان. 40 مينۋت بويى اتتىڭ تەگى تۋرالى قازاقى اڭگىمە قۇرىپ، ونىڭ جىلقىعا قۇمار جان ەكەنىن بايقادىم»، - دەيدى قابدەن قۋاندىق Aktobenews.kz تىلشىسىنە بەرگەن سۇحباتىندا.
