سولتۇستىك قازاقستاندىق ديقاندار توپىراقتى تىڭايتۋدىڭ تىڭ ءتاسىلىن تاپتى

تابىستىڭ سىرى - شارۋا قوجالىعى جاۋىن قۇرتىن ءوسىرىپ، تابيعي تازا تىڭايتقىش الادى. «بيوگۋمۋس» كوكونىس قۇرامىنىڭ قۇنارىن دا ەداۋىر ارتتىرادى. سەرگەي سترەلەتس جاۋىن قۇرتىن ءوسىرىپ، جەرىن جاقسارتتى.
جاندىكتەر ءتورت تۇلىكتىڭ تەزەگىن قوپسىتىپ، تابيعي تىڭايتقىش - «بيوگۋمۋس» بەرەدى. قاراشىرىك كارتوپ شىعىمدىلىعىن ارتتىرىپ، قۇرامىن دا قۇنارلاندىردى.
سەرگەي سترەلەتس، اگرونوم:
- مىنا جەردە ماي زاۋىتى، ۇيرەك شارۋاشىلىعى بولعان. سوندىقتان جەردىڭ استى قيىرشىق تاسقا تولى. ال كارتوپ وسەدى. بۇل بيوگۋمۋستىڭ ارقاسى. توپىراقتى تىڭايتۋدىڭ تىڭ ءتاسىلى تيىمدىلىگىن تانىتتى. اگرونوم قۋاڭشىلىققا قاراماستان گەكتارىنان 35 توننا كارتوپ جيناپ جاتىر. بۇل قۇرتقا دەگەن سۇرانىستى ارتتىردى. قازىر جاندىكتەردى جان- جاقتان كەلىپ، ساتىپ الادى.
اقبوپە قابدۋاليەۆا، اقتوبە وبلىسىنىڭ تۇرعىنى:
- اقتوبە وبلىسىنىڭ جەرلەرىنىڭ قۇنارلىلىعى ءار اۋداندا ءار ءتۇرلى. مۇمكىن وسى ءتاسىلدى پايدالانىپ، ءارى قاراي كوكونىس وسىرەمىز.
مىنا قۇرتتار قيدى وڭدەپ قانا شىعارمايدى، ونى قۇس، بالىق شارۋاشىلىعىنا دا پايدالانۋعا بولادى دەپ جاتىر. بۇگىندە شارۋا قوجالىعىندا 140 ميلليونداي قۇرت بار. اگرونومنىڭ ايتۋىنشا، جۇمىسكەر جاندىكتەردىڭ جەرگە دەگەن پايداسى وراسان زور.
سەرگەي سترەلەتس، اگرونوم:
- بۇل قۇرتتار رادياتسيانى جويادى. بيىل سەمەي قالاسىنا 500 مىڭ تەڭگەگە جاندىك جىبەردىك. اگرونومنىڭ ارمانى اسقاق. ەندى ول زاۋىت سالىپ، سۇيىق بيوتىڭايتقىش ءوندىرۋدى كوزدەپ وتىر.
www.24.kz