11:48, 21 - قىركۇيەك 2017 | GMT +6
قانات يسلام بۇكىل الەمدىك بوكس ۇيىمىنىڭ رەيتينگىندە ۇزدىك ۇشتىكتەن كورىندى
استانا. قازاقپارات - قازاقستاندىق كاسىپقوي بوكسشى قانات يسلام (25-0,20 ك و) بۇكىل الەمدىك بوكس ۇيىمىنىڭ (WBO) قىركۇيەك ايىنداعى جاڭارتىلعان رەيتينگىندە ۇزدىك ۇشتىكتەن كورىندى، دەپ حابارلايدى قازاقپارات.
جاڭارتىلعان رەيتينگتە قانات ءبىرىنشى ورتا سالماقتا 4 ساتىعا كوتەرىلىپ، 3- ورىنعا جايعاستى.
ال رەسەيلىك بوكسشى ماگمود كۋربونوۆ جانە ۋكراينالىق ليام ۋيليامس ءبىرىنشى جانە ەكىنشى ورىندى ءوزارا ءبولىستى.
قاناتتان جەڭىلىس تاپقان برەندون كۋك توپ-15 رەيتينگىنەن شىعىپ قالدى.
ايتا كەتەيىك، 9- قىركۇيەك ەكسپو اياسىندا استانا قالاسىندا وتكەن بوكس كەشىندە قانات يسلام كانادالىق برەندون كۋكتى توعىزىنشى راۋندتا تەحنيكالىق نوكاۋتپەن جەڭگەن بولاتىن.
