قازاقستان اۆتوموبيل ەكسپورتىندا رەكوردتىق كورسەتكىشكە قول جەتكىزدى
«8 ايدىڭ قورىتىندىسىندا وسىعان دەيىنگى جىلداردى قوسا العاندا شىعارىلعان ماشينا جاساۋ ونىمدەرىنەن ارتىق ءونىمدى ەكسپورتقا جونەلتتىك. نەگىزىنەن ولار بەلارۋس، تاجىكستان، رەسەي جانە قىتاي نارىقتارى. ماشينا جاساۋ سەكتورىنىڭ جالپى قۇنى 90 ميلليارد تەڭگەدەن استى. بۇل وتكەن جىلدىڭ سايكەس كەزەڭىمەن سالىستىرعاندا 4 ەسەگە ارتىق»، - دەپ اتاپ ءوتتى ول.
سونىمەن قاتار جەڭىس قاسىمبەك ەلىمىزدە ەلەكتر ەنەرگياسىمەن جۇرەتىن ماشينا جاساۋ سالاسىندا دا ايتارلىقتاي ءوسىم بار ەكەندىگىن ايتتى. بۇل سالادا ءوندىرىس كولەمى 74 ميلليارد تەڭگەدەن اسىپ جىعىلدى. جالپى ماشينا جاساۋ سالاسىندا وندىرىلگەن ءونىمنىڭ قۇنى 550 ميلليارد تەڭگەدەن كوپ. ءوندىرىس ءوسىمى - شامامەن 6 پايىز.
«ءوندىرىس ءوسىمى بۇل نارىقتاعى «قاينار ا ك ب»، «كەنتاۋ ترانسفورماتور زاۋىتى» سىندى ءىرى ويىنشىلاردىڭ ءونىم شىعارۋ كولەمىن ەسەلەي تۇسۋگە مۇمكىندىك بەردى.
اتاپ ايتقادا، ەلەكترتەحنيكالىق قورعاسىن-قىشقىل اككۋملياتور ءوندىرىسى 38,8 پايىزعا ارتىپ، 1 ميلليون 300 مىڭ داناعا جەتتى. ترانسفورماتور شىعارۋ ەكى ەسەگە جۋىققا ۇلعايدى. تەمىر جول ماشينالارىن جاساۋ سەكتورىندا دا قارقىندى دامۋ بايقالادى»، - دەدى مينيستر.
