قىزىلوردا وبلىسىنىڭ اكىمى سپورتشىلاردى قابىلدادى

شارا بارىسىندا ءوڭىر باسشىسى سپورتشىلاردى جەڭىستەرىمەن قۇتتىقتادى، دەپ حابارلايدى قازاقپارات ءتىلشىسى.
«اق ءبيداي» اۋىل سپورتى ويىندارىندا قىزىلوردا وبلىسى 174 ۇپايمەن 3-ورىندى يەلەندى. قازاق كۇرەسى جانە توعىزقۇمالاقتان سىر سپورتشىلارى 1-ورىنداردى يەلەنسە، گىر سپورتى جانە پرەزيدەنتتىك كوپسايىستا جۇلدەلى ورىندارعا قول جەتكىزىپ، كوماندانىڭ العا شىعۋىنا ءوز ۇلەستەرىن قوستى.
ەسكە سالايىق، «اق ءبيداي» اۋىل سپورتى ويىندارى ءتورت جىلدا ءبىر رەت وتكىزىلەدى. بيىل ول اقتوبە وبلىسىندا ءوتتى. دوداعا ەلىمىزدىڭ ءار وڭىرىنەن 1300 سپورتشى قاتىسىپ، ءبىر اپتا بويى سپورتتىڭ 14 تۇرىنەن سىنعا ءتۇستى. ناتيجەسىندە، جالپى كوماندالىق ەسەپتە I ورىندى وڭتۇستىك قازاقستان وبلىسى، II ورىندى اقتوبە وبلىسى، III ورىندى قىزىلوردا وبلىسى جەڭىپ الدى. «اق ءبيداي» رەسپۋبليكالىق VII اۋىل سپورتى ويىندارى 2021-جىلى ماڭعىستاۋ وبلىسىندا وتەدى.