ب ۇ ۇ ب ا جاڭا ءتوراعاسى قازاقستانمەن تىعىز قارىم-قاتىناستا بولۋعا نيەتتى
«سيريالىق رەتتەۋدەگى قاۋىپتى جاعدايدى استانا پروتسەسى كادىمگىدەي قۇتقارىپ شىقتى»، - دەدى م. لايچاك 19- قىركۇيەك كۇنى نيۋ-يوركتەگى ب ۇ ۇ شتاب-پاتەرىندە قازاقستان سىرتقى ىستەر ءمينيسترى قايرات ابدىراحمانوۆپەن كەزدەسۋ بارىسىندا.
ق ر س ءى م- نەن ءمالىم ەتكەندەي، سلوۆاك ساياساتكەرى ءوزىنىڭ باس اسسامبلەياداعى ءتوراعالىق ەتۋىنىڭ ءۇش باسىمدىعى تۋرالى ايتتى، ولار - جانجالداردىڭ الدىن الۋ، كوشى-قون ماسەلەلەرى جانە بۇۇ رەفورماسىندا باس حاتشىنى قولداۋ.
ءتوراعا ب ۇ ۇ كۇن تارتىبىندەگى بارلىق وزەكتى ماسەلەلەر بويىنشا قازاقستانمەن تىعىز قارىم-قاتىناستا جۇمىس جاساۋعا ازىرلىگىن ءبىلدىردى. ق. ءابدىراحمانوۆ قازاقستان پرەزيدەنتى نۇرسۇلتان نازاربايەۆتىڭ 29- تامىزدا ا ە ح ا تومەن بايىتىلعان ۋران بانكىنىڭ اشىلۋ ءراسىمى بارىسىندا جاريالاعان باستامالارى تۋرالى حاباردار ەتتى.
اتاپ ايتقاندا، يادرولىق قارۋ يەلەنۋشى ەلدەردىڭ ءسامميتىن شاقىرۋ، يادرولىق قارۋسىز وڭىرلەرگە كىرەتىن بارلىق مەملەكەتتەردىڭ كۇش-جىگەرىن بىرىكتىرۋ ءسوز بولدى. ءمينيستردىڭ ايتۋىنشا، قازاقستان يادرولىق قاۋىپسىزدىك جونىندەگى جاھاندىق ءسامميتىن جاڭارتۋ ۇدەرىسىن باستاپ، ونىڭ وتىرىسىن استانادا وتكىزۋگە دايىن.
كەزدەسۋ بارىسىندا ب ۇ ۇ- نىڭ الماتىداعى حالىقارالىق وڭىرلىك حابىن قۇرۋدىڭ پراكتيكالىق اسپەكتىلەرى تالقىلاندى. ب ۇ ۇ باس اسسامبلەياسى 72-سەسسياسىنىڭ اياسىندا قازاقستان سىرتقى ىستەر ءمينيسترى ب ۇ ۇ باس حاتشىسىنىڭ تەرروريزمگە قارسى كۇرەس جونىندەگى ورىنباسارى ۆلاديمير ۆورونكوۆپەن جانە قارۋسىزدانۋ ماسەلەلەرى جونىندەگى ورىنباسارى يسۋمي ناكوميتسۋمەن كەزدەستى.
قازاقستاننىڭ ب ۇ ۇ قاۋىپسىزدىك كەڭەسىندە ءتوراعالىق ەتۋگە دايىندىق ءمان-ماتىنىندە ق. ءابدىراحمانوۆ موڭعوليا، بىرىككەن اراب امىرلىكتەرى، ماجارستان، بۋرۋندي، گامبيا، گابون جانە بۋركينا-فاسو سىرتقى ىستەر مينيسترلەرىمەن دە ەكىجاقتى كەزدەسۋلەر مەن كونسۋلتاتسيالار وتكىزدى.
