نۇرباقىت تەڭىزبايەۆقا بەيجىڭ وليمپياداسىنىڭ كۇمىس مەدالى تاپسىرىلدى - فوتو
جالپى سانى 11 سپورتشى مەن باپكەر جانە ۇلتتىق قۇراما كوماندا ماماندارىنان قۇرالعان 36 ادام اقشالاي سىياقىلارعا يە بولدى. ماراپاتتاۋ ءراسىمىن كۇش قولدانىلاتىن سپورت تۇرلەرى كونفەدەراتسياسىنىڭ ءتوراعاسى دانيار ابۋلعازين جانە ق ر مادەنيەت جانە سپورت ۆيتسە-ءمينيسترى ساكەن مۇسايبەكوۆ جۇرگىزدى.
سونىمەن قاتار سالتاناتتى شاراعا بوكس، كۇرەس، دزيۋدو جانە تاەكۆوندو سپورت تۇرەلەرى بويىنشا فەدەراتسيالاردىڭ باسشىلارى قاتىسقان بولاتىن.
ەستەرىڭىزگە سالا كەتەيىك، 2017-جىلى كونفەدەراتسيا قۇرامىنا كىرەتىن سپورت تۇرلەرى بويىنشا سپورتشىلار 11 مەدال جەڭىپ العان بولاتىن (1 التىن، 4 كۇمىس جانە 6 قولا).
سپورتشىلار، باپكەرلەر مەن عىلىمي كەشەندى توپ ماماندارىن ۇلكەن جارىستاردا كورسەتكەن ۇزدىك ناتيجەلەرى ءۇشىن سىياقىمەن ماراپاتتاۋ ءداستۇرى - كونفەدەراتسيا قۇرىلعان ساتتەن قولعا الىنعان باستاما.
2008-جىلعى بەيجىڭ وليمپياداسى ناتيجەسىن قايتا قاراعان حالىقارالىق وليمپيادا كوميتەتى قازاقستاندىق گرەك-ريم شەبەرى نۇرباقىت تەڭىزبايەۆقا كۇمىس مەدال بەرۋ جونىندە شەشىم قابىلداعان.
ەرەجەگە سايكەس اتالعان مەدالدى ق ر ۇ و ك پرەزيدەنتى قۇلىبايەۆ تيمۋر اسقار ۇلىنىڭ تاپسىرماسىنا سايكەس ۇ و ك باس حاتشىسى د. ابۋلعازين تابىستادى. سونىمەن قاتار، 2008-جىلعى بەيجىڭ وليمپياداسىندا اۋىر اتلەتيكادان ەل نامىسىن قورعاعان سپورتشىلارىمىز باقىت احمەتوۆكە 4-ورىن العانىن راستايتىن، ال سەرگەي يستومينگە 6-ورىن العانىن راستايتىن سەرتيفيكاتتار تابىستالدى.
اۆتور: كۇنسۇلتان وتارباي
