زىمىران بولشەكتەرى قۇلايتىن قاراعاندى وبلىسىنىڭ قالالارىندا وقۋ-جاتتىعۋ وتەدى
وقۋ-جاتتىعۋعا وبلىستىڭ اپاتتىق-قۇتقارۋ قىزمەتتەرى جانە باسقارۋ ورگاندارى تارتىلاتىن بولادى جانە ول زىمىران-تاسىعىشتار ۇشاتىن جول بويىندا ورنالاسقان اۋدانداردا وتەدى. اتاپ ايتقاندا، جەزقازعان مەن ساتبايەۆ قالالارى، اقتوعاي، قارقارالى، جاڭاارقا، نۇرا، شەت جانە ۇلىتاۋ اۋداندارىندا.
وقۋ-جاتتىعۋدى باسقاراتىن شتاب - قاراعاندى وبلىسىنىڭ توتەنشە جاعدايلار دەپارتامەنتى، ال كوشپەلى شتاب جەزقازعان قالاسىندا ورنالاسادى. بۇدان بولەك، قاراعاندى قالاسىندا «ماگنۋم» ساۋدا ۇيىنە جاقىن جەردە راكەتالار ۇشىرىلعان كەزدە بولۋى مۇمكىن اپاتتاردىڭ سالدارىن جويۋعا جۇمىلدىرىلاتىن قۇرىلىمداردىڭ دايىندىق دەڭگەيى تەكسەرىلەتىن بولادى.
سونداي-اق وسى جەردە توتەنشە جاعداي ايماعىندا رادياتسيالىق-حيميالىق بارلاۋ جۇرگىزۋ، زىمىران-تاسىعىشتىڭ بولشەكتەرىن ىزدەۋ جانە جيناۋ بويىنشا تاجىريبەلىك شارالار وتەدى.
