بۇگىن سەرىك احمەتوۆتى بوستاندىققا شىعارۋ تۋرالى قاۋلى كۇشىنە ەنەدى

قاراعاندى. قازاقپارات - قازاقستاننىڭ ەكس-پرەمەر-ءمينيسترى سەرىك احمەتوۆتىڭ ناقتى جازا مەرزىمىن باس بوستاندىعىن شەكتەۋ جازاسىنا اۋىستىرۋ تۋرالى قاراعاندى وبلىسى اباي اۋداندىق سوتىنىڭ قاۋلىسىنا اپەللياتسيالىق شاعىم تۇسپەگەندىكتەن، سوت شەشىمى زاڭدى كۇشىنە ەندى، دەپ حابارلايدى قازاقپارات ءتىلشىسى.

پروكۋراتۋرا احمەتوۆتى بوستاندىققا شىعارۋ تۋرالى شەشىممەن كەلىسىپ، قارسى شاعىم تۇسىرمەدى. سونداي-اق پروكۋرورلار ناقتى جازا مەرزىمىن باس بوستاندىعىن شەكتەۋ جازاسىنا اۋىستىرۋ ماسەلەسى قارالعان 5- قىركۇيەك كۇنگى سوت پروتسەسى بارىسىندا سوتتالۋشى احمەتوۆتىڭ وتىنىشىنە دە قولداۋ بىلدىرگەن بولاتىن.

21- قىركۇيەك كۇنى تاڭەرتەڭ سوت قاۋلىسى شۇعىل تۇردە ورىندالۋ ءۇشىن قىلمىستىق-اتقارۋ جۇيەسى دەپارتامەنتىنىڭ اباي اۋدانى قاراباس كەنتىندە ورنالاسقان ا ك 159/18 كولونياسىنىڭ اكىمشىلىگىنە تاپسىرىلادى.

احمەتوۆ 2016-جىلدىڭ 11- ماۋسىمى كۇنى جاقسى ءتارتىبى جانە مەكەمە قابىرعاسىندا تاربيەلىك شارالارعا بەلسەندى قاتىسقانى ءۇشىن جازانى وتەۋدىڭ جەڭىلدەتىلگەن تۇرىنە كوشىرىلگەن بولاتىن.

2017-جىلعى 5- قىركۇيەكتە بۇرىنعى ۇكىمەت باسشىسىنا جازانىڭ وتەلمەگەن 4 جىل 26 كۇنى وسىنداي مەرزىمگە باس بوستاندىعىن شەكتەۋ جازاسىنا الماستىرىلدى. سەرىك احمەتوۆ بۇل مەرزىمدى تۇرعىلىقتى جەرى بويىنشا وتەيدى.

ەسكە سالايىق، 2015-جىلدىڭ 11- جەلتوقسانىندا قاراعاندى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى بۇرىنعى پرەمەر-مينيستر س. احمەتوۆ پەن باسقا دا تۇلعالارعا قاتىستى ءىس بويىنشا ۇكىم شىعاردى. ۇكىمگە سايكەس، بۇرىنعى س. احمەتوۆ ق ر ق ك- ءنىڭ 176-بابىنىڭ 4-بولىگىنىڭ «ب» تارماعى (سەنىپ تاپسىرىلعان بوتەن مۇلىكتى يەلەنىپ الۋ نەمەسە ىسىراپ ەتۋ)، ق ر ق ك- ءنىڭ 310-بابىنىڭ 3-بولىگى (كاسىپكەرلىك قىزمەتكە زاڭسىز قاتىسۋ)، ق ر ق ك- ءنىڭ 307-بابىنىڭ 3-بولىگى (قىزمەت وكىلەتتىگىن تەرىس پايدالانۋ)، ق ر ق ك- ءنىڭ 310-1-بابىنىڭ 3-بولىگى (زاڭدى كاسىپكەرلىك قىزمەتكە كەدەرگى كەلتىرۋ) بويىنشا كىنالى دەپ تانىلدى.

وعان 10 جىل مەرزىمگە باس بوستاندىعىنان ايىرۋ جازاسى تاعايىندالدى، سونداي-اق وعان مۇلكىن تاركىلەۋ جانە مەملەكەتتىك ورگانداردا لاۋازىمدى قىزمەت اتقارۋ قۇقىعىنان 5 جىلعا ايىرۋ بەلگىلەندى.

س. احمەتوۆ سوت زالىندا قاماۋعا الىندى. قاراعاندى وبلىستىق سوتىنىڭ قىلمىستىق ىستەر بويىنشا اپەللياتسيالىق سوتى 2016-جىلدىڭ 14- ناۋرىزىندا جەمقورلىق قىلمىستىق ىسكە قاتىستى سوتتى بولعان 11 ادامنىڭ جازاسىن جەڭىلدەتتى. سونىڭ ىشىندە سەرىك احمەتوۆتىڭ جازاسى 10 جىلدان 8 جىلعا دەيىن ازايتىلدى.

قاراعاندى وبلىسىنىڭ اباي اۋداندىق سوتى 2017-جىلدىڭ 19- قاڭتارىندا احمەتوۆكە قاتىستى«ق ر تاۋەلسىزدىگىنىڭ 25 جىلدىعىنا وراي راقىمشىلىق جاساۋ تۋرالى» ق ر زاڭىنا سايكەس راقىمشىلىق جاساپ، ونىڭ جازاسىنىڭ وتەلمەگەن تورتتەن ءبىر بولىگىن 1 جىل 7 اي 11 كۇنگە قىسقارتتى.