قازاقستان پرەزيدەنتى تۋعان اۋىلىندا بولدى
استانا. قازاقپارات - مەملەكەت باسشىسى قاراساي اۋدانىنداعى مۋزەي قۇرىلىسىمەن تانىستى. بۇل تۋرالى اقوردانىڭ باسپا ءسوز قىزمەتى حابارلادى.
ەلباسى مۋزەي ەكسپوزيتسياسىندا ەل تاۋەلسىزدىگىنىڭ بارلىق كەزەڭدەرىن، سونىڭ ىشىندە قازاقستاننىڭ جاڭا ەلورداسى - استانانىڭ سالىنۋىن قامتۋ قاجەت ەكەنىن اتاپ ءوتتى. مۋزەي جانىندا تاۋەلسىز قازاقستاننىڭ تاريحي دامۋ كەزەڭدەرىن بەينەلەيتىن بارەلەفتى پاننو سالىناتىن بولادى. ونىڭ ورتاسىنا مەملەكەتتىك تۋدىڭ تۇعىرىن ورنالاستىرۋ جوسپارلانعان. سونداي- اق، نۇرسۇلتان نازاربايەۆ الماتى قالاسىنا جانە الماتى وبلىسىنا جۇمىس ساپارى بارىسىندا شامالعان اۋىلىنا بارىپ، اۋىلداستارىمەن بەيرەسمي اڭگىمە وتكىزدى. مۋزەي قۇرىلىسى جەكە ادامنىڭ قاراجاتى ەسەبىنەن جۇرگىزىلۋدە. نىساننىڭ قۇرىلىسى بيىلعى 1 - جەلتوقساندا اياقتالادى دەپ جوسپارلانعان.
