قىرعىزستاننىڭ نارازىلىعىنا بايلانىستى قازاقستاندىق تاراپتىڭ جاۋاپ نوتاسى جىبەرىلدى

استانا. قازاقپارات - قىرعىز رەسپۋبليكاسىنىڭ ۋاقىتشا سەنىمدى وكىلىنە قازاقستاندىق تاراپتىڭ جاۋاپ نوتاسى تابىس ەتىلدى، دەپ حابارلادى ق ر سىرتقى ىستەر مينيسترلىگىنىڭ باسپا ءسوز قىزمەتى.
None
None

باسپاءسوز مالىمەتتەرىنە قاراعاندا، 2017 -جىلعى 20 - قىركۇيەكتە قازاقستان رەسپۋبليكاسىنىڭ سىرتقى ىستەر مينيسترلىگىنە قىرعىز رەسپۋبليكاسىنىڭ ۋاقىتشا سەنىمدى وكىلى شاقىرىلىپ، وعان قىرعىزستان س ءى م- ءنىڭ تاڭەرتەڭگى مالىمدەمەسىنە بايلانىستى قازاقستاندىق تاراپتىڭ كەلەسى مازمۇنداعى جاۋاپ نوتاسى تابىس ەتىلدى:

 «... قازاقستاندىق تاراپ ۇستىمىزدەگى جىلدىڭ 19- قىركۇيەگىندە الماتى قالاسىندا قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ قىرعىز رەسپۋبليكاسىنىڭ پرەزيدەنتتىگىنە ۇمىتكەر كانديداتتاردىڭ بىرىمەن بولعان كەزدەسۋىنە وراي قىرعىز رەسپۋبليكاسىنىڭ سىرتقى ىستەر مينيسترلىگىنىڭ ارەكەتىنە قاتتى تاڭدانىس بىلدىرەدى. مەملەكەت باسشىسىنىڭ ءارتۇرلى ەلدەردىڭ كورنەكتى ساياسي قايراتكەرلەرىمەن جانە ساياسي پارتيالاردىڭ باسشىلارىمەن ولاردىڭ ءوتىنىشى بويىنشا كەزدەسۋلەرى تۇراقتى تۇردە وتكىزىلىپ تۇرادى جانە حالىقارالىق تاجىريبەگە تولىق سايكەس كەلەدى. بۇل رەتتە، مۇنداي ءىس- شارالار اشىق، ترانسپارەنتتى سيپاتتا ءوتىپ، بۇقارالىق اقپارات قۇرالدارىندا كەڭىنەن جاريالانادى. ماسەلەن، بيىلعى جىلعى 14- تامىزدا استانادا مەملەكەت باسشىسى قىرعىز رەسپۋبليكاسىنىڭ پرەزيدەنتتىگىنە كانديداتتاردىڭ ءبىرى، بۇرىنعى پرەمەر- مينيستر س. جەەنبەكوۆپەن وسىنداي ەكىجاقتى كەزدەسۋ وتكىزدى. وعان قوسا، مەملەكەت باسشىسىنىڭ تۇجىرىمدارىن قىرعىز رەسپۋبليكاسى سىرتقى ىستەر مينيسترلىگىنىڭ بۇرىس تۇسىندىرۋىنە تۇسىنبەستىك بىلدىرەمىز.

 اتالعان كەزدەسۋلەر بارىسىندا قازاقستان رەسپۋبليكاسىنىڭ پرەزيدەنتى قىرعىز رەسپۋبليكاسى پرەزيدەنتتىگىنە قانداي دا ءبىر ناقتى ۇمىتكەردىڭ پايداسىنا قولداۋ بىلدىرگەن جوق. ونىڭ ۇستىنە استانا جانە الماتى قالالارىندا قىرعىز وكىلدەرىمەن كەلىسسوزدەر بارىسىندا مەملەكەت باسشىسى باۋىرلاس قىرعىز حالقى سەنىم ءبىلدىرىپ، سايلايتىن قىرعىز رەسپۋبليكاسىنىڭ كەز كەلگەن پرەزيدەنتىمەن ءتيىمدى ءوزارا ءىس- قيمىل جاساۋعا دايىن ەكەنىن ايتتى. وسىعان بايلانىستى قىرعىز رەسپۋبليكاسىنىڭ ىشكى ىسىنە ارالاسۋعا جانە ەل حالقىنىڭ تاڭداۋىنا ىقپال ەتۋ ارەكەتىنە قاتىستى قىرعىز تاراپىنىڭ ويدان شىعارىلعان تۇجىرىمدارىن تاباندى تۇردە جوققا شىعارامىز. قىرعىز رەسپۋبليكاسى سىرتقى ىستەر مينيسترلىگىنىڭ مۇنداي ارەكەتى قازاقستاندىق تاراپ ادالدىق تانىتاتىن، ەكى حالىق اراسىنداعى ءداستۇرلى باۋىرلاستىق قاتىناستارعا جانە قازاقستان رەسپۋبليكاسى مەن قىرعىز رەسپۋبليكاسى اراسىنداعى وداقتىق قارىم- قاتىناستار تۋرالى شارتقا تۇبەگەيلى قايشى كەلەدى دەپ سانايمىز...»، - دەلىنگەن جاۋاپ نوتاسىندا.

سوڭعى جاڭالىقتار