نازاربايەۆ الماتى اكىمىنە يندۋستريالىق ايماقتى جاڭا جوبالارمەن تولتىرۋدى تاپسىردى
«شيرەك عاسىردا ەكونوميكا 100 ەسە وسكەن. شوب سالاسىنداعى ءوندىرىس كولەمى 130 ەسە ءوستى. قالا اۋدانى مەن تۇرعىن ءۇي قورى دا 2 ەسە ءوستى. بۇرىن ەلدەر ءوزارا باسەكەگە ءتۇسۋشى ەدى، قازىر قالالار باسەكەلەسەتىن ۋاقىت تۋدى. سونداي داۋىرگە كۋا بولىپ وتىرمىز. بۇگىندە الەمدە 600 قالا الەم ج ءى ءو- ءسىنىڭ 2/3 بولىگىن جاۋىپ وتىر»، - دەدى مەملەكەت باسشىسى.
مەملەكەت باسشىسى الماتى ينفراقۇرىلىمىنىڭ جىلدان جىلعا دامىپ كەلە جاتقاندىعىن اتاپ ءوتتى. سوڭعى ەكى جىلدا قالادا 100 مىڭ اعاش وتىرعىزىلىپ، 42 شاقىرىم ارىق جەلىسى جوندەلدى، 60 شاقىرىم ۆەلوجول سالىندى.
«بۇگىندە ەكى تۋريستىڭ ءبىرى الماتىعا كەلەدى. قالادا قوناقۇيلەر، تەاترلار، مۋزەيلەر جەلىسى، سپورت نىساندارى دامىعان. بيىل «ەكسپو-2017» وتكىزىلۋىنە بايلانىستى ەلگە كەلەتىن تۋريستەر سانى كوپ بولدى. بۇل شارانىڭ ءساتتى ءوتۋىنىڭ ءوزى استانا مەن الماتىنىڭ عانا ەمەس، بارلىق قازاقستاننىڭ ابىرويىن كوتەردى»، - دەدى ن. نازاربايەۆ.
مەملەكەت باسشىسى الماتىنىڭ ەكونوميكالىق الەۋەتىن باعالاي وتىرىپ، شوب سۋبەكتىلەرىنىڭ دامۋىنا بارىنشا جاعداي جاساۋدىڭ ماڭىزىن ايتتى. «جىلدىڭ باسىندا مەن بارلىق وڭىرلەرگە جاپپاي وتباسىلىق بيزنەستى دامىتۋدى قامتاماسىز ەتۋدى تاپسىرعان بولاتىنمىن. قازىر الماتىدا شوب نەگىزىنەن بانكتەن العان نەسيەمەن كۇن كورىپ كەلەدى. بيىل شاعىن بيزنەسكە بولىنەتىن بانك نەسيەلەرىنىڭ كولەمى 43 پايىزعا قىسقارعان. اكىمدىك پەن «دامۋ» قورىنىڭ كورسەتىپ وتىرعان قولداۋى تەك 2 پايىزدى قۇرايدى»، - دەدى ول.
مەملەكەت باسشىسى بيزنەستى كولەڭكەلى اينالىمنان زاڭدى سالاعا شىعارۋعا تاپسىرما بەردى. «قالادا قۇنى 4 تريلليون تەڭگە بولاتىن مۇلىك پەن اقشا زاڭداستىرىلدى. بۇل قوسىمشا سالىق ءتۇسىمىن 100 ميلليارد تەڭگەگە ارتتىرادى»، - دەدى ول.
مەملەكەت باسشىسى يننوۆاتسيالىق ءونىم كولەمىنىڭ 2 ەسەگە ازايىپ كەتكەندىگىن تىلگە تيەك ەتتى. «الماتىدا ەلدەگى ەڭ باستى ج و و- لار ورنالاسقان. ونىڭ ىشىندە ق. ساتپايەۆ اتىنداعى تەحنيكالىق ۋنيۆەرسيتەت بار. الايدا، اۋقىمدى يننوۆاتسيالىق جوبالاردى كورىپ جۇرگەن جوقپىز. بۇل جەردە اكىمدىك پەن قۇزىرلى ورگاندار قاجەتتى شارا قابىلداۋ كەرەك»، - دەدى نۇرسۇلتان نازاربايەۆ.
يننوۆاتسيالىق دامۋعا قول جەتكىزۋ ءۇشىن «الاتاۋ» ي ت پ ارنايى ەكونوميكالىق ايماعىنىڭ مۇمكىندىگىن پايدالانۋعا كەڭەس بەردى. «ونى سالۋ ءۇشىن بيۋدجەتتەن 20 ميلليارد تەڭگە جۇمسالدى. ال جۇمىس ىستەپ تۇرعان 12 جىلدا بار- جوعى 22 ميلليارد تەڭگە شەتەلدىك ينۆەستيتسيا تارتىلدى. اكىمدىك ايماق جۇمىسىنا ەشقانداي ىقپال ەتپەيدى. بۇل ماسەلەگە ءتارتىپ ورناتۋ كەرەك. ەكونوميكالىق اۋماقتى ءتيىمدى قاداعالاۋ ورناتۋ كەرەك»، - دەدى ول.
مەملەكەت باسشىسى يندۋستريالىق ايماقتىڭ مۇمكىندىگى تۋرالى دا ايتىپ ءوتتى. «بۇگىندە قۇنى 191 ميلليارد تەڭگە بولاتىن 40 جوبا تىركەلگەن. قازىر تەك 1 جوبا جۇمىس جاساپ جاتىر. 13-ىندە قۇرىلىس جۇمىستارى ءجۇرىپ جاتىر. قالعانىندا ءالى دايىندىق ءجۇرىپ جاتىر. اكىمگە يندۋستريالىق ايماقتى جاڭا جوبالارمەن تولتىرۋدى تاپسىرامىن»، - دەدى ول.
اۆتور: گۇلميرا عوسمانالي
