اسەت يسەكەشيەۆ: استانانىڭ ەكونوميكالىق مودەلى سينگاپۋر مەن دۋبايعا جاقىن
«ءبىز كوپ قالانىڭ تاجىريبەسىن زەرتتەدىك. مىسالى، بەيجىڭ ونەركاسىپكە باسىمدىق بەردى، كوپتەگەن زاۋىتتار سالىندى. ءبىراق، قازىر بۇل قالا ەكولوگيالىق، سۋ رەسۋرستارى ماسەلەلەرىنەن زارداپ شەگۋدە جانە ءوزىنىڭ ءوندىرىسىن باسقا جەرگە اۋىستىرۋعا ءماجبۇر. سوندىقتان، ءبىز ءوزىمىزدىڭ ستراتەگيامىزدا ءتيىمدى قىزمەت پەن زاماناۋي وندىرىسكە باسا نازار اۋدارىپ جاتىرمىز. جالپى العاندا، ءبىزدىڭ ەكونوميكالىق مودەلىمىز جاھاندىق قالالار رەتىندە سينگاپۋر مەن دۋبايعا جاقىن. اتاپ ايتقاندا، دۋباي تاياۋ شىعىس ءۇشىن، ال سينگاپۋر وڭتۇستىك- شىعىس ازيا ءۇشىن ءوز ماكرووڭىرلەرىنىڭ ورتالىعى سانالادى. ەكسپونى وتكىزۋدى جانە بارلىق ينفراقۇرىلىمدى - اۋەجايدى، تەمىرجول ۆوكزالىن، قوناقۇيلەردى جانە تاعى باسقانى ەسەپكە العاندا - استانا ەۋرازيالىق ماكرو ءوڭىردىڭ جاھاندىق قالاسى، ەۋرازيانىڭ ەلورداسى، كونگرەسستىك- كورمەلىك ورتالىعى بولا الادى»، - دەدى اسەت يسەكەشيەۆ.
ونىڭ ايتۋىنشا، اكىمدىك 2020 -جىلى 50 مىڭ ساپالى جاڭا جۇمىس ورىندارىن اشاتىن جانە كاسىپكەرلىكتى دامىتاتىن، ەكونوميكالىق وسىمگە ايتارلىقتاي ىقپال ەتەتىن 10 سەكتوردى انىقتادى. ونەركاسىپتىك كاسىپورىندارداعى ينجەنەرلەر، IT- ماماندار، دارىگەرلەر، مۇعالىمدەر ساپالى جۇمىس ورىندارى بولىپ سانالادى. بيىل 18 مىڭ جۇمىس ورنى اشىلادى.
