گولوۆكين اناسىنىڭ تۋعان كۇنىن قاراعاندىدا اتاپ وتپەكشى
بوكسشىنىڭ پروموۋتەرى توم لەففلەردىڭ ايتۋىنشا، جۇمىس كەستەسىنىڭ تىعىزدىعىنا بايلانىستى GGG- ءدىڭ كەلەسى جەكپە- جەگى جەلتوقساندا وتپەي قالۋى ابدەن مۇمكىن.
«الداعى دەمالىس كۇندەرى گەننادي قاراعاندىعا بارۋدى جوسپارلاپ وتىر. سول جاقتا اناسىنىڭ تۋعان كۇنىن اتاپ وتپەكشى. سودان كەيىن ەۋروپاعا، ودان كەيىن باكۋدا وتەتىن WBC كونۆەنسياسىنا ۇشىپ بارادى. اتالعان شارا 1-6 - قازان ارالىعىندا وتەدى. گولوۆكين ا ق ش- قا قازاننىڭ ورتاسىندا قايتىپ بارۋى كەرەك. ارعى جاعىندا جەلتوقسان دا الىس ەمەس. سوندىقتان ول ۋاقىتقا ناقتى ۇسىنىستار بولسا دا، جەلتوقسانعا دەيىن ۇلگەرمەيتىن شىعارمىز. «كانەلو» ريەۆانشقا كەلىسسە، مامىرعا دەيىن كۇتە تۇرامىز. بولماسا، كەلەسى جىلدىڭ باسىندا ءبىر جەكپە- جەكتى ۇيىمداستىرامىز»، - دەدى لەفللەر UCNLive.com-عا بەرگەن سۇحباتىندا.
ايتا كەتەيىك، وتكەن دەمالىس كۇندەرى ا ق ش- تىڭ لاس- ۆەگاس قالاسىندا وتكەن بوكس كەشىندە گەننادي گولوۆكين مەكسيكالىق - ساۋل «كانەلو» الۆارەسپەن تەڭ ءتۇستى. ءدال وسى شەشىممەن جانكۇيەلەر دە، ساراپشىلار دا كەلىسپەي وتىر. اسىرەسە، الۆارەسكە 118-110 ەسەبىمەن جەڭىس بەرىپ قويعان ادەلايدا بەردتىڭ ەسەبىنە نارازىلىق قاتتى.
