حالىقارالىق «استانا» قارجى ورتالىعى قالاي قۇرىلادى

استانا. قازاقپارات - بۇگىن ۇكىمەت ۇيىندە وتكەن باسپا ءسوز ءماسليحاتىندا «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ ەكسپو ايماعىندا ورنالاساتىن جاڭا ايماقتىق بيرجانى قۇرۋ جۇمىسى جايىندا كەڭىنەن ايتىپ بەردى، دەپ حابارلايدى قازاقپارات ءتىلشىسى.
None
None

 ورتالىق باسشىسىنىڭ ايتۋىنشا، بيرجانىڭ جۇمىسىن ىسكە قوسۋ ءۇشىن بارلىق جۇمىستى ۇيلەستىرەتىن ورگان قاجەت. اتالعان مىندەتتى قارجى قىزمەتتەرىن رەتتەۋ كوميتەتى اتقاراتىن بولادى. بۇدان بولەك، جىلدىڭ اياعىنا دەيىن حالىقارالىق اربيتراج ورتالىعى مەن تاۋەلسىز قارجى سوتى قۇرىلادى.

«نەگىزى، بۇگىندە ءىرى بيرجالار الدىمەن قارجى داۋلارىن شەشەتىن ورگانداردى قۇرۋعا تىرىسادى. ويتكەنى سونىڭ ارقاسىندا ينۆەستورلاردىڭ سەنىمى ارتادى. لوندون، پاريج، ستوكگولم، دۋباي، ءابۋ- دابي - بارىندە ءادىل سوتتار قۇرىلدى. سوندىقتان «استانا» قارجى ورتالىعىندا دا ونداي جۇيە بولادى. ءىس جۇرگىزۋ تازا اعىلشىن تىلىندە اتقارىلادى. ال بارلىق داۋلار اعىلشىن قۇقىعى نەگىزىندە قارالادى. سەبەبى بۇگىندى الەمدىك قارجى ورتالىقتارىنىڭ 90 پايىزى وسى جۇيە بويىنشا جۇمىس ىستەيدى»، - دەيدى كەلىمبەتوۆ.

قارجى ورتالىعىنىڭ باسىم باعىتتارىنىڭ ءبىرى - جەكەشەلەندىرۋ ارقىلى قارجى تارتۋ. وسىعان وراي، «استانا» حالىقارالىق قارجى ورتالىعى مەن «سامۇرىق- قازىنا» قورى اراسىندا ارنايى كەلىسىمگە قول قويىلدى. اتالعان قۇجاتقا سايكەس، قور قۇرامىنداعى كومپانيالار IPO- عا شىعارىلادى. بۇل جۇمىس قارجى ورتالىعىنىڭ نەگىزىندە اتقارىلادى. بيرجاعا «ەير استانا» مەن «قازاتوم ءوندىرىس» كومپانيالارى ءبىرىنشى بولىپ شىعادى.

ال Nasdaq پەن شاڭحاي بيرجالارى «استانا» قارجى ورتالىعىنىڭ ستراتەگيالىق ارىپتەستەرى بولادى. «وسىلايشا، بيرجا، قارجى قىزمەتتەرىن رەتتەۋشى، اربيتراج ورتالىعى مەن قارجى سوتى «استانا» ورتالىعىنىڭ باستى ورگاندارى بولادى. ورتالىق ناقتى التى باعىتقا باسىمدىق بەرەدى. ولار - كاپيتال نارىقتارىن دامىتۋ، مەملەكەتتىك اكتيۆتەردى باسقارۋ، جاڭا قارجى تەحنولوگيالارىن دامىتۋ، جەكە ادامداردىڭ ءال- اۋقاتىن باسقارۋ، يسلامدىق قارجىلاندىرۋ مەن سيفرلاندىرۋدى دامىتۋ»، - دەپ اتاپ كورسەتتى قايرات نەمات ۇلى.

«استانا» ح ق و ءىرى ايماقتىق بيرجاعا اينالىپ، ەۋرازيالىق ينتەگراتسياعا عانا ەمەس، قىتايدىڭ «ءبىر جول - ءبىر بەلدەۋ» باستاماسىنا دا ءوز ۇلەسىن قوسا الادى دەگەن سەنىم بار.

اۆتور: ارمان اسقاروۆ

سوڭعى جاڭالىقتار