ساياسات نۇربەك: استانا قارجى ورتالىعىن قۇرۋدىڭ ناعىز قاجەتتى كەزەڭى تۋىپ وتىر

استانا. قازاقپارات - «استانا» حالىقارالىق قارجى ورتالىعىنىڭ اتقارۋشى ديرەكتورى ساياسات نۇربەك ۇكىمەت ۇيىندە قارجى ورتالىعىنىڭ باسىم باعىتتارى تۋرالى ءسوز قوزعادى، - دەپ حابارلايدى «قازاقپارات» ح ا ا ءتىلشىسى.
None
None

«دۇنيە جۇزىندە قارجى جۇيەسى مەن حالىقارالىق قارجى ورتالىقتارىنا بايلانىستى وتە قىزىق ەكى ءۇردىس بولىپ جاتىر. ءبىرىنشىسى، كوپتەگەن مەملەكەتتەر وزدەرىنىڭ حالىقارالىق قارجى ورتالىقتارىن اشىپ جاتىر. الەمدە 800-گە جۋىق قارجىلىق ورتالىعى بار. نەلىكتەن؟ بىرىنشىدەن، قازىرگى تاڭدا اسىرەسە، وڭتۇستىك شىعىس ازيادا اقشانى، ياعني بايلىقتى شوعىرلاندىرۋ پروتسەسى ءجۇرىپ جاتىر. قارجى قىزمەتتەرىنە ۇلكەن سۇرانىس ارتا باستادى. اسىرەسە، دامىعان ەلدەردە كاپيتالدى باسقارۋ وتە جوعارى دەڭگەيدە. ول ەلدەردە قارجى قىزمەتىنىڭ دامىعان نارىعى بار. ياعني، ول مەملەكەتتەر وزدەرىنىڭ ەلدەرىندە دامىعان حالىقارالىق قارجى ورتالىقتارىن اشۋدى جوسپارلاۋدا. قازىرگى تاڭدا دامىپ كەلە جاتقان لوندون، نيۋ- يورك، سينگاپۋر سەكىلدى حالىقارالىق قارجى ورتالىقتارىنىڭ جانىندا قازىر بۋمباي، بانگكوك، ىستانبۇل سەكىلدى قالالاردا، كىپ- كىشكەنتاي ەميراتتاردىڭ وزىندە ەكى قارجى ورتالىعى بار. ياعني، بۇل ءۇردىس قارجى قىزمەتتەرىنە سۇرانىس ارتىپ كەلە جاتقانىن كورسەتەدى»، - دەيدى ساياسات نۇربەك.

ونىڭ ايتۋىنشا، جالپاق تىلمەن ايتقاندا، قارجى نارىعىندا «باسەكەنىڭ كوكەسى» ەندى عانا قىزىپ كەلە جاتىر. ءار مەملەكەت ءوزىنىڭ شوعىرلانعان كاپيتال جۇيەسىن كورسەتكىسى كەلەدى.

«ءبىزدىڭ ءبىر- ەكى باسىم باعىتتارىمىز بار. قىتاي، وڭتۇستىك شىعىس ازيا، ت م د ەلدەرى، ەۋروپا، امەريكا جانە تاياۋ شىعىس سەكىلدى بەس ۇلكەن نارىق بارىن بىلەسىزدەر. ءار ايماققا ستراتەگيالىق سەرىكتەستەرىمىز بار. قايرات نەمات ۇلى ايتىپ كەتكەندەي، قىتايعا كەلەتىن بولساق، ءبىزدىڭ بيرجامىزدىڭ نەگىزگى سەرىكتەسى وسى شاڭحاي قورى بولىپ تابىلادى. دۇنيە جۇزىندە ول بيرجا ءتورتىنشى ورىندا تۇر. شاڭحاي قازىرگى تاڭدا قىتايدىڭ نەگىزگى قارجى ورتالىعى. ت م د ەلدەرىندە ماسكەۋ قور بيرجاسىمەن سەرىكتەستىگىمىز تىعىز. تاياۋ شىعىستا دۋباي قارجى ورتالىعى تۇر. ەۋروپا نارىعىنا كەلەر بولساق، لوندون مەن فرانكفۋرتتاعى ورتالىقتارمەن كەلىسىمشارتتارىمىز بار. ا ق ش- قا كەلەر بولساق، دۇنيە جۇزىندەگى ەڭ ءىرى ءۇشىنشى قور بيرجاسى ءبىزدىڭ سەرىكتەسىمىز بولىپ تابىلادى»، - دەدى ول.

ساياسات نۇربەك ءوز سوزىندە قارجى نارىقتارىندا ينۆەستورلار ۇلكەن ەكى توپقا بولىنەتىنىن اتاپ ءوتتى ءبىرى اقپاراتتى گازەتتەردەن تۇتىنسا، ەكىنشىسى IT تەحنولوگيالار ارقىلى جۇمىس جۇرگىزەدى.

 «ءبىز ەكى ءتۇرلى اقپارتتىق ستراتەگيامىزدى دامىتىپ، بىرىنشىدەن بلۋمبەرگ، س ن ن سەكىلدى ءىرى حالىقارالىق اگەنتتىكتەرمەن، ەكىنشى ساتىدا ءبىز ءار ايماقتا كىشىگىرىم اگەنتتىكتەرمەن جۇمىس جۇرگىزىپ، الەۋمەتتىك جەلىدە بەلسەندى جۇمىس اتقارامىز. اقپاراتتاندىرۋ ساياساتىن ءار تاراپتى تۇردە جۇرگىزۋىمىز كەرەك. ءۇشىنشى باسىم باعىتىمىز ءوزىمىزدىڭ ىشكى نارىقتى ۇمىتپاۋىمىز كەرەك. قازاقستاندىق ب ا ق- ارقىلى جۇمىس اتقارامىز. قارجىلىق كومپانيالاردى الاڭعا تارتۋىمىز كەرەك. نەگە دەسەڭىزدەر، جەرگىلىكتى قارجى كوزدەرى تارتىلسا، عانا شەتەلدىكتەر قىزىعۋشىلىق تانىتا باستايدى. جالپى سوزبەن ايتقاندا، ءۇش باعىتتا جۇمىس جۇرگىزىپ جاتىرمىز.  قىزىعۋشىلىق وتە زور. نەگە دەسەڭىز، جاڭا جىبەك جولى ۇلكەن نارىقتى ورتاعا شىعارىپ جاتىر. وسى نارىققا الەم قىزىعىپ وتىر. بىلاي قاراساڭىز، ۇلكەن ەۋرازيا كەڭىستىگىندە مامانداندىرىلعان قارجى ورتالىعى جوق. بۇل جاقتا ىستانبۇل، اناۋ جاقتا شاڭحاي قارجى ورتالىعى دەسەڭىز، ورتاداعى 2-3 مىڭ شاقىرىمدىق كەڭىستىك بوس جاتىر. ءدال استانا قارجى ورتالىعىنىڭ ۋاقىتى كەلىپ وتىر. ورتالىقتى قۇرعان جاعدايدا قىتاي دا، ەۋروپاداعىلار دا ءبىر قارجى پلاتفورماسىنا ەنەدى. جاڭا نارىقتا قارجى ورتالىعى قاجەتتىلىگى زور»، - دەپ ءتۇيدى ساياسات نۇربەك.

اۆتور: ايان بەكەن ۇلى

سوڭعى جاڭالىقتار